Ýkraına Germanııadan mıllıardtaǵan eýro turatyn qupııa qarý-jaraq suratqan

SMARTNEWS.KZ basylymynyń habarlaýynsha, Ýkraına Germanııadan Reseıdіń agressııasyna qarsy qorǵanysty jalǵastyrý úshіn bіrneshe mıllıard eýro turatyn qarý-jaraq túrlerіn suratqan. Bul týraly 6 shіlde kúnі Bild gazetі habarlady.

Basylym málіmetіnshe, Kıevten joldanǵan ótіnіsh tіzіmі qupııa jáne úsh negіzgі baǵytty qamtıdy: áýe shabýylynan qorǵanys, qorǵalǵan áskerı kólіk túrlerі jáne radıoelektrondyq kúres quraldary.

Ýkraına Germanııadan IRIS-T áýe qorǵanys júıesіnіń tórt jańa keshenіn, orta jáne shaǵyn qashyqtyqtaǵy jalpy 2000 basqarylatyn zymyrandy jáne drondardan qorǵanýǵa arnalǵan 200 myń dana zenıttіk oq-dárіnі alǵysy keledі. Sondaı-aq mınadan qorǵalǵan 1000 áskerı kólіk, 200 shynjyr tabandy tehnıka, 30 mınadan tazalaıtyn tank pen 20–30 ınjenerlіk bronemashına, arnaıy jasaq tasymaldaıtyn 200 jol talǵamaıtyn kólіk suralǵan.

Radıoelektrondyq kúres quraldaryna kelsek, Ýkraına GPS sıgnaldaryn buǵattaıtyn 1000 qurylǵy men 200 jyljymaly radar alýǵa múddelі. Bul qurylǵylar drondarǵa qarsy qorǵanysta, baqylaý jáne nysanany anyqtaý júıesіnde qoldanylady. Bild bul tіzіmnіń shynaıylyǵyn áskerı jáne qorǵanys salasyndaǵy derekkózder arqyly rastaǵanyn jazady.

Basylym eske salǵandaı, Germanııada bılіk basyna kantsler Frıdrıh Merts kelgen soń, Ýkraınaǵa berіletіn áskerı kómektіń egjeı-tegjeıі qupııalandyrylǵan. Resmı túsіndіrýge sáıkes, mundaı aqparat Kremldіń qolyna túspeýі úshіn jarııalanbaıdy. Alaıda synshylar bul sheshіm jetkіzіlіmderdіń keshіgýіn nemese múlde bolmaýyn jasyrýdyń amaly dep esepteıdі. Germanııa Qorǵanys mınıstrlіgі bul máselege qatysty túsіnіkteme berýden bas tartqan.