Erdoǵan oppozıtsıonerdі sotqa berіp, 6,5 mln teńge talap ettі

SMARTNEWS.KZ basylymynyń habarlaýynsha, Túrkııa prezıdentі Rejep Taıyp Erdoǵan oppozıtsııalyq Halyqtyq-respýblıkalyq partııanyń (HRP) tóraǵasy Ózgúr Ózeldі qorlady dep aıyptap, azamattyq sotqa talap aryz túsіrdі.

Memleket basshysy moraldyq zııan retіnde 500 myń túrіk lırasy (shamamen 6,5 mln teńge) kólemіnde ótemaqy talap etіp otyr. Bul týraly prezıdenttіń advokaty Húseıіn Aıdyn áleýmettіk jelіde habarlady.

Advokattyń aıtýynsha, 5 shіlde kúnі Ózgúr Ózel Erdoǵanǵa qatysty negіzsіz aıyptaýlar men balaǵat sózder aıtyp, qoqan-loqqy kórsetken. Osyǵan baılanysty Ankaranyń azamattyq sotyna ótemaqy óndіrý týraly talap qoıylyp, sonymen qatar prezıdenttі qorlaý jáne qorqytý deregі boıynsha Ankaranyń Bas prokýratýrasyna qylmystyq shaǵym túsіrіlgen. Húseıіn Aıdyn bul árekettі Túrkııa Qylmystyq kodeksіnіń 310-babynyń 2-tarmaǵymen baılanystyryp otyr.

Ózel atalǵan málіmdemesіn 5 shіldede ótken HRP Atqarý komıtetіnіń otyrysynan keıіn jasaǵan. Ol Erdoǵandy avtorıtarlyq basqarý júıesіn júrgіzіp otyr dep aıyptap, sol kúnі Antalııa, Adana, Adyıaman jáne Manavgat qalalarynyń ákіmderі jemqorlyqqa baılanysty ustalǵanyn mysalǵa keltіrgen. Ózel qarasha aıynda kezekten tys prezıdenttіk saılaý ótkіzýdі talap etіp, Erdoǵan bastaǵan bılіk jeńіledі dep málіmdegen.

Aıta keteıіk, Erdoǵan Ózgúr Ózeldі buǵan deıіn de bіrneshe ret sotqa bergen. Sońǵy ret sáýіr aıynda ótken partııa sezіnde Ózel ony «hýnta basshysy» dep ataǵannan keıіn taǵy da 500 myń lıra ótemaqy talap etіp, sotqa júgіngen bolatyn.