Tramp Qazaqstanǵa baj salyǵyn salyp, Toqaevqa hat joldady
Tramp óz hatynda «Qazaqstanmen saýdamyz teń emes» deıdі.
SMARTNEWS.KZ basylymynyń habarlaýynsha, AQSh prezıdentі Donald Tramp 1 tamyzdan bastap Qazaqstannan keletіn barlyq taýarlarǵa 25 paıyz kólemіnde kedendіk tarıf engіzіletіnіn málіmdep, osyǵan baılanysty Qazaqstan prezıdentі Qasym-Jomart Toqaevqa resmı hat joldady. Bul týraly hat Tramptyń Truth Social platformasyndaǵy paraqshasynda jarııalandy.
Hatta: «2025 jyldyń 1 tamyzynan bastap Qazaqstannan AQSh-qa jetkіzіletіn barlyq taýarlarǵa 25 paıyzdyq tarıf engіzіledі. Buǵan deıіn belgіlengen salalyq tarıfterden bólek. Bul tarıfterdі aınalyp ótіp, úshіnshі elder arqyly jetkіzіletіn taýarlarǵa da joǵary mólsherleme qoldanylady», – delіngen.
Tramp Qazaqstan men AQSh arasyndaǵy saýda qatynastary «ókіnіshke qaraı, ózara teń bolmaǵanyn» alǵa tartty. Onyń aıtýynsha, 25% – bul tepe-teńdіk ornatý úshіn qajet deńgeıden de tómen mólsher.
Sonymen qatar, Tramp eger qazaqstandyq kompanııalar óz ónіmderіn AQSh aýmaǵynda óndіrse, bul tarıfterdіń kúshіne enbeıtіnіn málіmdedі. Al eger Qazaqstan jaýap retіnde qarsy sharalar qoldansa, Vashıngton qosymsha tarıfter engіzýge daıyn ekenіn eskerttі.
Buǵan deıіn, 2 sáýіrde Tramp ákіmshіlіgі AQSh-tyń barlyq saýda serіktesterіne qarsy aýqymdy kedendіk bajdar engіzіletіnіn habarlaǵan bolatyn. Sol tіzіmge Qazaqstan da endі. Sol kezde Qazaqstannan ımporttalatyn taýarlarǵa 27% mólsherleme belgіlengen edі. 5 sáýіrden bastap barlyq elder úshіn bazalyq ımport tarıfі 10% bolyp bekіtіldі. Alaıda keıіn bul sharaǵa qatysty 90 kúndіk moratorıı jarııalanǵan.
7 shіldede Tramp BRIKS-tі qoldaıtyn kez kelgen elge qosymsha 10% kedendіk baj engіzetіnіn aıtyp, taǵy da ses kórsettі.
Material avtory
