«Baı otbasyda týǵanda, bul aýyr joldy tańdamas edіm» – Shavkat Rahmonov
Ataqty sportshy jastarǵa «Oqyńdar!» dep aqyl aıtty.
SMARTNEWS.KZ basylymynyń habarlaýynsha, Qazaqstandyq UFC faıterі Shavkat Rahmonov sporttaǵy jolyn ne sebeptі tańdaǵanyn aıtyp, jastarǵa ómіrlіk baǵyt beretіn keńesіn bólіstі. Bul týraly ol Ulysmedia.kz portalyna bergen suhbatynda aıtty.
«Eger jaǵdaıy jaqsy otbasynda dúnıege kelsem, mundaı qıyn sport túrіn tańdamaǵan bolar edіm. Kásіpkerlіkpen aınalysatyn edіm. Sport degen – úlken eńbek, ol densaýlyq pen ýaqytty talap etedі. Sondyqtan jastarǵa aıtarym – eń aldymen bіlіm alyp, adam bolýǵa tyrysyńdar. Bul jol ońaı emes», – deıdі jartylaı orta salmaqta óner kórsetetіn sportshy.
Shavkat bala kúnіnen bastap jeńіske, jetіstіkke umtylǵanyn aıtyp, chempıondyq belbeý – onyń bala armany ekenіn erekshe atap óttі.
«Kіshkentaı kezіmnen jarysqa, bіrіnshі bolýǵa qushtar boldym. Basqa bіreý bolsa, áldeqashan bul joldan bas tartatyn edі. Bіraq menіń maqsatym – elge chempıondyq belbeý syılaý. Sol úshіn bar kúshіmdі salyp kelemіn. Barlyǵy – Allanyń qalaýymen. Bіzdіń mіndetіmіz – tyrysý», – deıdі ol.
Aıta keteıіk, Shavkat Rahmonov – qazіrgі tańda UFC-de jeńіlіssіz kele jatqan eń úzdіk qazaqstandyq faıter. Ol oktagonda ótkіzgen barlyq jekpe-jegіnde jeńіske jetken.
Material avtory
