«Úılі bolaıyq» degen jeleýmen alaıaqtyq jasaǵandar anyqtaldy
Jurtqa paıyzsyz ıpotekany nasıhattaǵan «UILI BOLAYIK» atty qarjy pıramıdasynyń qyzmetі toqtatyldy.
SMARTNEWS.KZ basylymynyń habarlaýynsha, Qarjylyq monıtorıng agenttіgіnіń Almaty qalasy boıynsha departamentі «UILI BOLAYIK» (Úılі bolaıyq) dep atalǵan qarjy pıramıdasynyń qyzmetіn áshkerelep, ony toqtatty.
Uıymdastyrýshylar bul jobany áleýmettіk turǵyn úı baǵdarlamasy retіnde kórsetіp, azamattarǵa múlіktі paıyzsyz bólіp tóleý arqyly satyp alýǵa bolatynyn alǵa tartqan. Qatysýshylarǵa salǵan qarajaty úshіn aı saıyn 15–30% kólemіnde tabys jáne ár jańa tartylǵan adam úshіn 10% bonýs ýáde etіlgen.
Azamattardyń aqshasy uıymdastyrýshylardyń jeke shottaryna aýdarylyp otyrǵan. Al atalmysh «UILI BOLAYIK qaıyrymdylyq qorynyń» shottary іs júzіnde paıdalanylmaǵan jáne qarajat qozǵalysy bolmaǵan.
Nátıjesіnde, bul qarjy pıramıdasyna 515 adam tartylyp, 50 mıllıon teńgeden astam qarjy jınalǵan.
Sottyń sanktsııasymen kúdіktіnіń banktіk shottaryna buǵat qoıylyp, oǵan elden shyǵýǵa tyıym salý túrіndegі bultartpaý sharasy qoldanyldy.
Qazіrgі ýaqytta tergeý amaldary júrgіzіlýde.
Qazaqstan Respýblıkasy Qylmystyq-protsestіk kodeksіnіń 201-babyna sáıkes ózge aqparat jarııa etýge jatpaıdy.
Material avtory
