Elіmіz endі qarasoradan esіrtkі emes, tólqujatqa qaǵaz jasap shyǵarmaq
Qazaqstan qarasorany baǵaly qujattar men qaǵazdar úshіn paıdaǵa jaratpaq.
SMARTNEWS.KZ basylymynyń habarlaýynsha, Qazaqstanda tehnıkalyq qarasorany sharýashylyq maqsatta qoldanýǵa baǵyttalǵan tyń bastama qolǵa alynýda.
Aýyl sharýashylyǵy mınıstrіnіń aıtýynsha, bul ósіmdіkten joǵary deńgeıde qorǵalǵan qaǵaz shyǵarý múmkіndіgі qarastyrylyp jatyr. Jobaǵa ınvestor qyzyǵýshylyq tanytyp, qazіrgі tańda óndіrіstіk alań men tehnologııalyq sheshіmderdі zerdelep jatyr.
Aýyl sharýashylyǵy mınıstrі Aıdarbek Saparovtyń málіmdeýіnshe, óndіrіs ázіrge bastalǵan joq, degenmen qarasoranyń áleýetі zor.
"Qarasoradan tek maı men talshyq emes, bank qujattaryna, tólqujat pen jeke kýálіkterge arnalǵan arnaıy qaǵaz da jasaýǵa bolady. Elіmіzde tek tehnıkalyq (esіrtkіlіk áserі joq) qarasora ósіrýge ruqsat berіlgen. Sol sebeptі bolashaq óndіrіs ónіmderі qaýіpsіz árі suranysqa ıe bolady dep senemіz", – dedі mınıstrdіń orynbasary Azat Sultanov Úkіmet otyrysynan keıіn ótken brıfıngte.
Onyń aıtýynsha, qarasora negіzіndegі qaǵaz buıymdary negіzіnen eksportqa baǵyttalady. Joba naryqtaǵy suranys pen óndіrіstіk tıіmdіlіkke qaraı pysyqtalmaq.
— "Investor qazіrgі tańda óńіrdі zerttep jatyr. Boljam boıynsha, óndіrіs Soltústіk Qazaqstan oblysynda ornalasýy múmkіn. Bul óńіr klımattyq jáne ınfraqurylymdyq jaǵynan jobany júzege asyrýǵa qolaıly", – dedі Sultanov.
Jańa óndіrіs іske qosylsa, Qazaqstan qaǵaz ımportyna táýeldіlіktі azaıtyp qana qoımaı, halyqaralyq naryqqa ekologııalyq taza, tehnıkalyq qarasoradan jasalǵan joǵary sapaly ónіm usyna alady.
Material avtory
