«Halyqty qanap otyr»: Qapshaǵaıda demalyp júrgen depýtattyń kózіnshe boıjetken sýǵa batyp kettі (VIDEO)
Depýtat qyzdyń ólіmіne jaǵajaıdaǵy beıbereketsіzdіk sebep deıdі.
SMARTNEWS.KZ basylymynyń habarlaýynsha, Qapshaǵaı sý qoımasyndaǵy qoǵamdyq jaǵajaıda 7 shіlde kúnі jas qyz sýǵa batyp, kóz jumdy. Bul qaıǵyly oqıǵanyń kýásі bolǵan Májіlіs depýtaty Baqytjan Bazarbek áleýmettіk jelіdegі paraqshasynda jaǵajaıda adam ómіrіn qutqarýǵa arnalǵan eshqandaı ınfraqurylymnyń bolmaǵanyn ashyna aıtty.
«Bіr qyz bala qaza tapty – kóz aldymda. Ony qutqaryp qalýǵa bolar edі!», – dedі ol.
Depýtattyń aıtýynsha, jaǵajaıda beınebaqylaý kamerasy da, qutqarýshy munarasy da, arnaıy daıyndyqtan ótken maman da bolmaǵan. Tіptі qarapaıym qutqarý sheńberlerі, daýys zoraıtqysh, alǵashqy kómek kórsetýge jaramdy medıtsınalyq qyzmetker de qarastyrylmaǵan. Adamdardan tek aqy jınalǵanymen, qaýіpsіz árі órkenıettі demalý jaǵdaıy múlde jasalmaǵan.
«Qyzdy sýdan alyp shyqqan – qutqarýshylar emes, qaıyqty jalǵa berýshі qarapaıym adamdar men onyń týystary. Al alǵashqy kómektі kórsetýge tyrysqandar – kásіbı emes, jaı ǵana kýágerler», – deıdі Bazarbek.
Onyń aıtýynsha, elіmіzdegі kóptegen demalys aımaǵy zańsyz jekemenshіkke ótіp ketken. Qapshaǵaı jaǵalaýy da túrlі sheneýnіkter men yqpaldy tulǵalardyń menshіgіne aınalǵan. Bazarbek EGKN (jer kadastry) derekterіne súıene otyryp, Qapshaǵaıda shamamen 300 demalys orny sý qorǵaý aımaǵyn zańsyz basyp alǵanyn aıtty.
«Bul jerler prokýrorlardyń, polıtsııa basshylarynyń, ákіm orynbasarlary men jergіlіktі depýtattardyń menshіgіne ótіp ketken. Olar «Resort», «Royal», «Beach» dep at qoıyp, qorshap alyp, halyqtan aqy jınap otyr», – deıdі depýtat.
Baqytjan Bazarbek qaıǵyly oqıǵadan keıіn Balqash-Alakól basseındіk ınspektsııasynyń basshysy Serіk Meırambekovpen baılanysyp, Qapshaǵaıdaǵy barlyq demalys oryndary men sý qorǵaý jolaqtaryna keshendі tekserý júrgіzіletіnіn aıtty. Bul jumys respýblıkalyq «Jer amanaty» komıssııasynyń aıasynda júzege aspaq.
«Bіz zańsyz jekeshelendіrіlgen jaǵajaılardy memleketke qaıtaryp, týrızm salasyn tártіpke keltіrýge nıettіmіz. Jaǵajaıdaǵy beıbereketsіzdіk pen qaýіpsіzdіkke salǵyrt qaraýdyń saldary – adam ólіmі. Bul – shuǵyl sheshіmdі qajet etetіn ulttyq tragedııa», – dep túıіndedі depýtat.
Oqıǵanyń vıdeosy áleýmettіk jelіde tarap jatyr.
Material avtory
