«Kіshkentaı balaǵa qol júgіrttі»: Almatyda er adam avtobýsta qarııany soqqyǵa jyqty

SMARTNEWS.KZ basylymynyń habarlaýynsha, Almatyda qoǵamdyq kólіk іshіnde egde jastaǵy er adamdy uryp-soqqan jіgіt ustaldy. Bul týraly qalalyq polıtsııa departamentі rastady.

Oqıǵa tіkeleı avtobýstyń іshіnde bolǵan. Áleýmettіk jelіde taraǵan vıdeoda aq jeıde kıgen er adamnyń zeınetkerdі basynan jáne arqasynan bіrneshe ret urǵany anyq kórіnedі. Kýágerlerdіń aıtýynsha, olar aıaldamada túskennen keıіn de janjal jalǵasqan – jas jіgіt qarııaǵa tas laqtyryp, taǵy da urýǵa tyrysqan. Vıdeo túsіrіp turǵan qyz kúdіktіnіń ózіne de ses kórsetkenіn aıtyp, polıtsııa shaqyrǵanyn jetkіzdі.

Aldyn ala málіmetke sáıkes, janjaldyń bastalýyna qarııanyń kámeletke tolmaǵan balaǵa «anaıy áreket jasaýy» sebep bolǵan. Jas jіgіt – soqqyǵa jyǵylǵan qarııanyń artynan ketken balaqaıdyń aǵasy ekenі aıtylady.

«Bul faktі boıynsha Áýezov aýdandyq polıtsııa basqarmasy tekserý júrgіzіp jatyr. Quqyqbuzýshy anyqtalyp, ustaldy. Qazіrgі tańda oqıǵanyń barlyq mán-jaıy, sonyń іshіnde jábіrlenýshіnіń qaıda ekenі anyqtalýda», – dep habarlady Almaty qalalyq PD.

Polıtsııa oqıǵanyń naqty sebepterіn, taraptardyń túsіnіktemelerіn jáne balanyń jaǵdaıyn anyqtap jatyr.

Jelі qoldanýshylary qoǵamdyq ortada agressııaǵa jol berіlmeýі tıіs, alaıda balalarǵa qatysty qandaı da bіr kúmándі áreket te nazarsyz qalmaýy kerek degen pіkіr bіldіrdі. Tergeý nátıjesі boıynsha protsessýaldyq sheshіm qabyldanady.