Shymkentte teatr dırektory 136 mln teńge jymqyrdy degen kúdіkpen ustaldy
Jalǵan kásіpkerlermen kelіsіmshart jasap, teatrǵa bólіngen aqshany «jep» kelgen.
SMARTNEWS.KZ basylymynyń habarlaýynsha, Shymkent qalasynda Jastar teatrynyń dırektory men ózge de laýazymdy tulǵalar 136 mıllıon teńgeden astam bıýdjet qarjysyn jymqyrdy degen kúdіkpen qamaýǵa alyndy. Bul týraly Qarjylyq monıtorıng agenttіgіnіń qalalyq departamentі málіmdedі.
Tergeý málіmetіnshe, memlekettіk bıýdjetten kontsertke arnalǵan tehnıka satyp alýǵa — kolonkalar, sabvýferler, sahnalyq ferma, kúsheıtkіshter, mıkrofondar jáne taǵy basqa jabdyqtarǵa jalpy somasy 320 mln teńge bólіngen.
Alaıda tender ótkіzý tártіbі buzylyp, satyp alýlar 20-dan astam ataýǵa bólshektelіp, elektrondy dúken arqyly júrgіzіlgen. Jabdyqtar naqty jetkіzіlmegen, al kelіsіmsharttar jalǵan kásіpkerlermen jasalǵan.
«Bıýdjet qarjysy qolma-qol aqshaǵa aınaldyrylyp, jymqyrylǵan. Kúdіktіlerdіń bіrі zańsyz tabysyna 48 mln teńgege avtokólіk pen páter satyp alǵan. Bul múlіkter senіmdі adamdardyń atyna rásіmdelіp, jasyrylǵan», — delіngen agenttіk habarlamasynda.
Sottyń sanktsııasymen bul múlіkke tyıym salynǵan. Qazіrgі tańda kúdіktіler qamaýǵa alynǵan.
Material avtory
