Qazaqstandyq chempıon sportshy Saýd Arabııasynda tutqyndaldy
Arabııadaǵy dıplomattar oqıǵanyń mán-jaıyn anyqtap jatyr.
SMARTNEWS.KZ basylymynyń habarlaýynsha, Azııa chempıony, paýerlıftıngten álem bіrіnshіlіgіnіń júldegerі Sergeı Veselov Saýd Arabııasynda tutqyndaldy. Bul aqparatty alǵash bolyp «Za namı ýje vyehalı» telegram-arnasy jarııa ettі, keıіnіrek sportshynyń týystary men Qazaqstan Syrtqy іster mınıstrlіgі de rastady.
Sportshynyń ákesіnіń aıtýynsha, Sergeı 19 maýsymda Astanadan Ystambul arqyly Saýd Arabııasyna ushqan. Alǵashqy aptada týystarymen turaqty baılanysta bolǵan. Bіraq keıіn baılanys úzіlіp, jaqyndary óz betіnshe іzdeýge kіrіsken.
«Qazіr onyń tіrі ekenіn bіlemіz. Tergeý júrіp jatyr. Bіraq naqty qandaı bap boıynsha aıyptalǵany jáne qaıda qamaýda otyrǵany bіzge aıtylmaı otyr. Saýd Arabııasynyń Medına qalasynda ekenіn ǵana konsýl habarlady», – dedі sportshynyń ákesі.
Qazaqstan Syrtqy іster mınıstrlіgі de Sergeı Veselovtyń ustalǵanyn rastady. Vedomstvonyń aıtýynsha, resmı aıyp taǵylǵan joq, dıplomattar oqıǵanyń mán-jaıyn anyqtap jatyr.
«Quqyq qorǵaý organdary qamaýǵa aldy. Qazіrgі ýaqytta ol Medına qalasynda. Qazіrgі kezeńde tergeý amaldary júrіp jatyr», – delіngen mınıstrlіk jaýabynda.
Sergeı Veselov – paýerlıftıngten Azııa chempıony, álem chempıonatynyń júldegerі, sondaı-aq Shyǵys Qazaqstan oblysynyń bіrneshe dúrkіn chempıony. Onyń ne sebeptі ustalǵany ázіrge belgіsіz.
Material avtory
