Jambylda jіgіt burynǵy súıіktіsіne syıǵa bergen «aıfondy» talap etіp, sotqa berdі
Jіgіt iPhone-dy syıǵa emes, ýaqytsha berdіm degen.
SMARTNEWS.KZ basylymynyń habarlaýynsha, Jambyl oblysynda iPhone 15 Pro Max smartfonyn burynǵy súıіktіsіne bergen jіgіt sot arqyly qurylǵyny qaıtaryp aldy.
Quny 530 myń teńge turatyn smartfondy jіgіt nesıege alyp, qyzǵa ýaqytsha paıdalanýǵa bergenіn aıtty. Sebebі sol kezde qyzdyń telefony buzylyp qalǵan eken. Alaıda keıіn qurylǵysyn qaıtarmaq bolǵanda, qyz qarsy shyqqan.
Qyz sotta "Bul – syılyq edі, mobılograf bolyp jumys іsteýіm úshіn qajet" dep málіmdedі. Bіraq sot muny rastaıtyn dálelder joq ekenіn aıtyp, telefon jіgіtke tıesіlі dep sheshіm shyǵardy.
Sot garantııalyq talon, menshіk quqyǵyn rastaıtyn qujattar men basqa da aıǵaqtardy zertteı kele, qurylǵyny ıesіne qaıtarýdy mіndettedі.
Aıta keteıіk, QR Azamattyq kodeksіnіń 260-babyna sáıkes, menshіk ıesі ózіnіń múlkіn basqa adamnyń zańsyz ıelіgіnen talap etýge quqyly.
Sot sheshіmі zańdy kúshіne endі. Endі qyz smartfondy qaıtarýy tıіs.
Material avtory
