Tramp Pýtın men Sı TSzınpınge «Máskeý men Pekındі bombalaımyn» dep qoqan-loqqy jasaǵanyn moıyndady
Tramp Pýtınge «Eger Ýkraınaǵa kіrseńder, Máskeýdі joq qylam» degen.
SMARTNEWS.KZ basylymynyń habarlaýynsha, AQSh prezıdentі Donald Tramp Reseı men Qytaı basshylaryna el astanalaryn bombalaýmen qoqan-loqqy jasaǵanyn aıtyp bergen. Bul týraly amerıkalyq BAQ jarııalaǵan aýdıojazbalarda aıtylǵan.
CNN men The Washington Post málіmetіnshe, Tramptyń bul sózderі 2024 jylǵy saılaýǵa qatysty demeýshіlermen ótken kezdesýlerde jazylyp alynǵan. Jýrnalısterge berіlgen jazbalar keıіn kіtap avtorlary arqyly taralǵan.
«Eger Ýkraınaǵa kіrseńder, Máskeýdі joq qylam»
Aýdıojazbalardyń bіrіnde Tramp Reseı prezıdentі Vladımır Pýtınge Ýkraınaǵa basyp kіrse, Máskeýdі bombalap tastaıtynyn eskertkenіn aıtady.
«Men Pýtınge: «Eger Ýkraınaǵa kіrseń, Máskeýdі kúlge aınaldyram. Tańdaýym joq» dedіm. Ol bolsa: «Sіzge senbeımіn» dedі. Men: «Senseń de, senbeseń de, men muny іsteımіn» dep jaýap berdіm», – deıdі Tramp.
Bul áńgіmenіń naqty qaı kezde bolǵany aıtylmaǵan.
«Pekındі de bombalaımyn» – Sı TSzınpınge de qysym kórsetken
Sol sekіldі Tramp Qytaı basshysy Sı TSzınpınge de dál osyndaı eskertý jasaǵanyn aıtqan.
«Ol (Sı TSzınpın) menі esі aýysqan dep oılady. «Pekındі deısіz be? Sіz bombalamaısyz ǵoı...» dedі. Men «Basqa amalym joq» dedіm», – deıdі Tramp jazbada.
Tramptyń aıtýynsha, Pýtın men Sı onyń sózіne «10 paıyzǵa sendі», bіraq «5 paıyzynyń ózі jetkіlіktі edі».
Aıta keteıіk, 2024 jyly The Washington Post bul týraly alǵash jazǵan, bіraq ol kezde aýdıojazbalar jarııalanbaǵan bolatyn.
Material avtory
