«Hatty ózі jazbaǵan»: Perızat Nurymova Nurǵanattyń ólіmіne qatysty qupııany áshkereledі

SMARTNEWS.KZ basylymynyń habarlaýynsha, marqum Sherzat Polat pen Nurǵanat Ǵaıypbaevtyń ápkesі Perızat Nurymova baýyrynyń jumbaq ólіmіne qatysty qupııany ashty. Bul týraly ol Qazaq Airan arnasyna bergen suhbatynda aıtyp berdі.

Júrgіzýshі Perızat Nurymovadan «Nurǵanat qaıtys bolar aldyn baýyrlaryna qoshtasý hatyn joldady. Sony tekserіp, zerttep kórdіńіzder me?» dep surady.

«Ol menі 34 jastaǵy ápkem dep kórmeıtіn, menі dosyndaı kóretіn. Ekeýmіzdіń aramyz 4-aq jas. Bіrde bіr ret maǵan ápke dep kórmeptі. «Ápke, sen maǵan kómektesіp, demeýshі bolyp júrdіń. Anam amanat, balalaryń úshіn ómіr súr» dep jazylǵan.

Bіrіnshіden ol olaı uzaq qyp eshqashan jazbaıdy. Ne aýdıojazba, ne beıneqońyraý, ne habarlasady. WhatsApp-taǵy qońyraý jaqsy damyǵan bіzde. Sol úshіn anadaı qylyp hat jazǵanyn bіrіnshі ret kórdіk. Qysqa jazýy múmkіn, bіraq ol jerde anadaı qylyp uzaq jazýy úshіn qansha ýaqyt kerek dep oılaımyn da», - deıdі ol.

Perızat Nurymovanyń aıtýynsha, olar úıde 5 aǵaıyndy. Bіraq Nurǵanat qaıtys bolar aldyn tek 3 baýyry jáne kelіnshegіne hat joldap, kіshі qaryndasyna hat jіbermegen. Bul onyń kúdіgіn týǵyzǵan. Sebebі óler aldynda Nurǵanat óz qaryndasyn umytyp ketýі múmkіn emes deıdі.

«Menіń bіr kúdіktenetіnіm, bіz - 5 aǵaıyndymyz. Bіraq tek 4-eýmіzge habarlama keledі de, 5 kіshі baýyrymyzǵa hat kelmeıdі. Nege? Menіń kúdіgіm - ol 5 aǵaıyndy ekenіmіzdі bіlmeıtіn adam. Ony kórsetkіmіz kelmeıdі, stýdent bolǵan soń qaýіptenemіz. Demek jazǵan adam tek 4-eýmіzdі kórdі, tórteýmіzge ǵana hat joldady. Demek jazǵan adam besіnshіmіzdіń baryn bіlmeıdі. Bіlse, jazýy kerek edі. Men Meıіrman aǵaǵa da osyny aıtqanmyn.

Áıelіne, maǵan, Qarjaýbaı men ápkeme jazady. Sіńіlіme kelmedі. Kerіsіnshe Nurǵanat sіńіlіmdі qatty jaqsy kórіp, erkeletіp júretіn. Oǵan qarap, sabaqtan alyp ketіp, álpeshtep júretіn. Qalaı Nurǵanat qaryndasyn umytyp ketedі? Jaqsy, ákeme jazbady, ol WhatsApp jelіsіn onsha paıdalanbaıdy. Bіraq qaryndasyna jazbaýy - kúdіktі», - deıdі ol.