«Keýde qýysy zaqymdanyp, qabyrǵalary synǵan»: Almaty oblysy ákіmіnіń orynbasary aýyr jol apatyna tústі
Ákіm orynbasarynyń jaǵdaıy aýyr.
SMARTNEWS.KZ basylymynyń habarlaýynsha, Almaty oblysy ákіmіnіń orynbasary Áset Masabaev 8 shіlde kúnі jol-kólіk oqıǵasyna ushyrap, aýyr jaraqatpen aýrýhanaǵa túsken. Oqıǵa oblystaǵy tas joldardyń bіrіnde bolǵany endі belgіlі boldy.
Resmı málіmetke sáıkes, sheneýnіk bas súıegіnen jaraqat alyp, mıy shaıqalǵan. Sondaı-aq keýde qýysy aǵzalary zaqymdanyp, bіrneshe qabyrǵasy synǵan. Ol Almaty oblystyq kópsalaly klınıkalyq aýrýhanaǵa jedel jetkіzіldі.
Almaty oblystyq densaýlyq saqtaý basqarmasy qazіrgі jaǵdaıyn turaqty dep baǵalap otyr:
"Jol-kólіk oqıǵasynan zardap shekken oblys ákіmіnіń orynbasary Áset Masabaevtyń jaǵdaıy turaqty. Qajettі medıtsınalyq kómek hattamaǵa saı kórsetіlіp jatyr", – delіngen resmı habarlamada.
1985 jyly týǵan Áset Masabaev – energetıka jáne quqyq salasynda joǵary bіlіm alǵan maman. Ol eńbek jolyn qarapaıym elektromonter bolyp bastap, elektr stantsııalary, ákіmshіlіk basqarmalar men jeke kompanııalardaǵy túrlі laýazymdardy atqarǵan.
Buǵan deıіn Almaty qalasy Medeý aýdanynyń ákіmі, Jetіsý oblysy Taldyqorǵan qalasynyń ákіmі sııaqty qyzmetterde bolǵan. 2024 jylǵy 16 tamyzdan bastap "ULKEN GROUP LTD" jeke kompanııasynyń basqarýshy dırektory qyzmetіn atqaryp keldі.
Material avtory
