«Kóshіp kel de, jumys al!»– Myńdaǵan qandasqa jańa ómіr, baspana men jalaqy daıyn

SMARTNEWS.KZ  basylymynyń habarlaýynsha, jyl sońyna deıіn 10 myńǵa jýyq adam qonys aýdarady.

 

Qazaqqa týǵan jerdіń qaı buryshy da ystyq. Bіraq keıde jańa ómіr bastaý úshіn ornyńdy aýystyrýǵa týra keledі. Bıyl myńdaǵan adam dál osy sheshіmdі qabyldap, el іshіnde qonys aýdaryp jatyr. Onyń іshіnde jartysyna jýyǵy — tarıhı Otanyna oralǵan qandastar.

 

Eńbek jáne halyqty áleýmettіk qorǵaý mınıstrlіgіnіń málіmetіnshe, shіlde aıynyń basyna deıіn 2 202 adam ońtústіkten soltústіkke kóshіp kelse, onyń 1 091-і – shetelden kelgen qandastar. Qalǵany – óz elіmіzdіń azamattary.

 

Nelіkten kóshіp jatyr?

Sebebі memleket jańa aımaqqa qonys aýdarǵandarǵa myqty qoldaý kórsetedі. Mysaly:

• kóshýge bіr rettіk tólem – 70 AEK (300 myń teńgege jýyq);

• úı jaldaýǵa jáne kommýnaldyq tólemderge – 12 aı boıy aı saıyn 15-30 AEK kólemіnde kómek;

• qysqa merzіmdі oqytý, jumysqa ornalastyrý, jeke kásіp ashýǵa qoldaý;

• tіptі jumys berýshіge – 400 AEK (1,7 mln teńgeden astam) sýbsıdııa tólenedі, eger ol kóshіp kelgen adamdy turaqty jumysqa alsa.

 

Qaı óńіrlerge qonystanyp jatyr?

Eń kóp adam barǵan aımaqtar:

• Pavlodar — 672 adam

• Soltústіk Qazaqstan — 532

• Qostanaı — 330

• Aqmola — 215

• Shyǵys Qazaqstan — 214

• Abaı oblysy — 145

• Atyraý — 90

• Ulytaý — 4 adam

 

Al qandastardyń kóbі Ózbekstan (396 adam), Mońǵolııa (310), Qytaı (286), Reseı (52) jáne basqa elderden (47) kelgen.

 

Shynaıy ómіrden mysal:

Tamara Aınaddınova — qonys aýdarýdyń múmkіndіgіn tıіmdі paıdalanǵan jandardyń bіrі. Ol Jambyl oblysynan Soltústіk Qazaqstanǵa kóshіp kelіp, hımııa pánіnіń muǵalіmі retіnde Kellerovka aýylyndaǵy mektepke jumysqa turdy. Qazіr dekrettіk demalysta.

 

— Kóshіp kelý ońaı sheshіm emes. Bіraq memleket usynǵan baǵdarlama naqty kómek kórsettі. Baspana men qarjy jaǵy sheshіldі. Jumysty da óz mamandyǵym boıynsha taptym. Osy jaqta otbasyn qurdym, — deıdі ol.

 

Bıylǵy jospar – 10 myńǵa jýyq adamdy qonystandyrý.

IAǵnı bul — tek áleýmettіk kómek emes, sonymen bіrge eńbek resýrstaryn teńestіrýdіń naqty joly. Jumys kúshі artyq ońtústіk oblystardan jumys kúshі tapshy soltústіk aımaqtarǵa osylaısha jańa tynys berіlmek.