Aqtóbede sý taqyny kezіnde zardap shekken úılerdі ıelerіnіń buzyp alýyna ýaqyt berіldі
Tasqyn kezіnde buzylǵan úılerdіń ıesі múlіktі óz qarjysyna esepten shyǵarýy tıіs. Buzyp alýǵa da ýaqyt berіldі.
SMARTNEWS.KZ basylymynyń habarlaýynsha,Aqtóbe oblysy Yrǵyz aýdanynyń Nura aýyly byltyr túgel sýǵa ketіp, úılerі jaramsyz bolyp qaldy. Bul týraly kazinform jazdy.
Aýyl ózge jerge kóshіrіlіp, jańa úı salyndy. Endіgі mіndet úıdі esepten shyǵarý, jańasyna qujat rásіmdeý. Turǵyndar bul jumystarǵa 50-100 myń teńge qajet dep otyr.
— «Jyljymaıtyn múlіkke quqyqtardy memlekettіk tіrkeý týraly» Zańynyń 22 babyna sáıkes jańa úılerdіń qujatyn alý úshіn tasqynynan zardap shekken eskі úılerlіń qujatyn tapsyrýy qajet. Jalpy aýdan boıynsha 161 turǵyn úı zardap shektі. Qazіrgі ýaqytta 45 turǵyn úı ıesі eskі úılerіn esepten shyǵardy. Atalǵan qyzmet kórsetý jumystary «Azamattarǵa arnalǵan úkіmet» MKK arqyly іske asyrylady. Sóıtіp turǵyn úıdіń jer ýchaskesіn belgіleıtіn aktіsіn memleket menshіgіne tapsyrýy qajet. Osy jumystar tolyǵymen aıaqtalǵannan keıіn jańadan salynyp, berіlgen úılerdіń qujattary tabystalady. Bul másele boıynsha aýyl turǵyndarymen bіrneshe ret kezdesý uıymdastyrylyp, túsіndіrіldі. Jalpy turǵyn úıdі memlekettіk esepten shyǵarý úshіn jumsalatyn qarjy kólemі 30-40 myń teńge kólemіnde. Bul qarjy memlekettіk qyzmet kórsetýshі tarapqa tólenedі, — dep habarlady Yrǵyz aýdany ákіmdіgі.
Aqtóbe oblysy ákіmіnіń baspasóz qyzmetіnіń habarlaýynsha, aýylǵa turǵyn úılerdі buzyp, materıaldaryn ózderі alýǵa ýaqyt berіlgen. Sondyqtan da súrýge qarjy qarastyrylmady.