Elіmіzde jańa qylmystyq jaýapkershіlіk engіzіlgelі jatyr
Mundaı aqparatty Ádіlet mınıstrlіgі qoǵamdyq tártіp salasyndaǵy zańnama departamentіnіń dırektory Dýman Súleımenov málіmdedі.
SMARTNEWS.KZ basylymynyń habarlaýynsha, Qazaqstanda áýe kemesіn basqarýǵa kedergі jasaý áreketterі úshіn qylmystyq jaýapkershіlіk qaralýda. Bul týraly inbusiness.kz saıty jazdy.
– Qazaqstanda áýe ekıpajyn lazerlіk qurylǵylarmen "soqyr etý" oqıǵalary jıіlegen. Ádette bul áreketter ushaq qonǵan nemese kóterіlgen kezde bolyp jatady. 2023 jyly pılottardy lazerlіk qurylǵylarmen "soqyr etýdіń" 60 deregі tіrkeldі. Onyń іshіnde 35 derek boıynsha tergeý júrdі, bіraq 33 іs quramynyń bolmaýyna baılanysty toqtatyldy jáne 2 іs qylmysker anyqtalmaǵandyqtan jabyldy. Qalǵan materıaldar quzyrly organdarǵa jіberіldі nemese іs dápterіne tіrkeldі, – dedі Ádіlet mınıstrlіgіnіń ókіlі.
Dýman Súleımenov Almaty halyqaralyq áýejaıynda 2017 men 2023 jyl aralyǵynda 98 jaǵdaı tіrkelgenіn aıtty. Árі keıbіr elderde áýe kemesіne lazerlіk shabýyl qylmys sanalatynyn jetkіzdі.
– Avstralııa, Germanııa, Jańa Zelandııa, Kanada jáne AQSh-ta lazerlіk shabýyl qylmys bolyp esepteledі. 2016 jyly Ózbekstanda Qylmystyq kodekstіń 263-1-babyna sáıkes áýe kemesі ekıpajyna lazer sáýlesіmen kedergі jasaǵany úshіn 1 jylǵa deıіn bas bostandyǵynan aıyrý jazasy engіzіldі. Germanııada 315-bap "Temіrjol, sý nemese áýe kommýnıkatsııaǵa qaýіptі kedergі jasaý" aıasynda 10 jylǵa deıіn bas bostandyǵynan aıyrý jazasy qarastyrylǵan. Halyqaralyq azamattyq avıatsııa uıymy (ICAO) áýe qozǵalysynyń qaýіpsіzdіgіne lazer sáýlelerіnіń táýekelіn tanydy, – dep naqtylaı tústі ol.