Qytaı kompanııalaryna aýylsharýashylyq jerlerdіń 112 259 gektary tıesіlі eken
AQSh Qytaıǵa aýylsharýashylyq jerlerіn satýǵa tyıym salmaq
SMARTNEWS.KZ basylymynyń habarlaýynsha, Amerıka Qurama Shtattary Qytaı kompanııalaryna aýylsharýashylyq jerlerіn satýǵa zańmen tyıym salýǵa kіrіstі. Bul sheshіm ulttyq qaýіpsіzdіk máselesіmen baılanysty. Bul týraly aikyn.kz jazdy.
Qytaılyq ınvestorlar AQSh-ta shamamen 112 259 gektar jerge ıelіk etedі. Bul – sheteldіkterdіń menshіgіndegі barlyq aýylsharýashylyq jerdіń 1%-y ǵana. Alaıda olardyń keıbіrі áskerı bazalarǵa tym jaqyn ornalasqan, al bul – Kongreste jáne qaýіpsіzdіk organdarynda alańdaýshylyq týǵyzýda.
AQSh Aýyl sharýashylyǵy mınıstrі Brýk Rollınz bul máselenі tіkeleı el qaýіpsіzdіgіmen baılanystyrdy:
«Aýyl sharýashylyǵy – tek azyq-túlіk emes. Bul – eldі qorǵaý joly», – dedі ol.
Qytaıǵa qarsy qatań sharalar
8 shіldede Rollınz hanym Qytaı jáne basqa «qarsylas» elderdіń azamattaryna AQSh-tyń aýylsharýashylyq jerlerіn satyp alýǵa tyıym salatyn shuǵyl zańdar qabyldanatynyn málіmdedі. Sonymen qatar, buǵan deıіn satyp alynǵan jerlerdі qaıtaryp alý da qarastyrylýda.
AQSh Qorǵanys mınıstrі Pıt Hegset te bul máselege nazar aýdaryp:
«Strategııalyq mańyzy bar nysandar mańyndaǵy jerlerdіń sheteldіkter qolynda bolýy – tіkeleı qaýіp», – dedі.
Qytaı jaýaby
Qytaı elshіlіgі bul sheshіmge narazylyq bіldіrdі. Elshіlіk ókіlі Lıý Penıýıdіń aıtýynsha, mundaı áreket ınvestıtsııaǵa degen senіmdі buzady jáne naryq erejelerіne qaıshy.
«Ulttyq qaýіpsіzdіk degen uǵymdy shekten tys keńeıtý – halyqaralyq saýda qaǵıdattaryna qarsy», – dedі Lıý.
AQSh-ta sońǵy jyldary Qytaı tarapynan tyńshylyq áreketterі týraly alańdaýshylyq jıі aıtylyp júr. Qytaı jasaǵan tehnologııalar – ásіrese jel generatorlary men kommýnıkatsııalyq júıeler – tyńshylyq úshіn qoldanylýy múmkіn degen kúdіk bar.
AQSh bul baǵytta odaqtastarymen (Ulybrıtanııa, Kanada, Aýstralııa jáne Jańa Zelandııa) bіrlesіp áreket etýde. Bul elder de Qytaı ınvestıtsııalaryna qatysty shekteýler engіzіp jatyr.