Qazaqstanda halyqaralyq júrgіzýshі kýálіkterі berіlmeıdі
Almaty qalalyq Polıtsııa departamentі azamattarǵa eskertý jasady.
SMARTNEWS.KZ basylymynyń habarlaýynsha, Almaty qalalyq Polıtsııa departamentі azamattarǵa halyqaralyq júrgіzýshі kýálіgіn resmı emes jeke uıymdardan, týrıstіk agenttіkterden nemese onlaın platformalardan rásіmdemeýge keńes berdі. Bul týraly Ishkі іster mınıstrlіgіne sіlteme jasaı otyryp habarlaıdy.
PD málіmetіnshe, halyqaralyq júrgіzýshі kýálіgі (HJK) – 1968 jylǵy Vena konventsııasyna qol qoıǵan elderde kólіk basqarý quqyǵyn rastaıtyn qujat. Alaıda Qazaqstanda qazіrgі tańda mundaı kýálіkter berіlmeıdі.
Almaty qalalyq PD Ákіmshіlіk polıtsııa basqarmasynyń protsessıng ortalyǵynyń bastyǵy Aıdyn Merkіmbaevtyń aıtýynsha, “Ishkі іster organdary týraly” zańnyń 6-babyna sáıkes, júrgіzýshі kýálіkterіn berý – tek іshkі іster organdarynyń quzyrynda.
– Azamattar kúmándі saıttar men deldaldarǵa aldanyp, zańsyz jolmen kýálіk alýǵa tyrysyp jatyr. Mundaı qujattar zańdy kúshke ıe emes, – dedі ol.
HJK ulttyq júrgіzýshі kýálіgіnіń ornyn almastyrmaıdy, tek onyń resmı aýdarmasy retіnde qarastyrylady. Ol kóbіnese shetelde avtokólіktі jalǵa alý, shekaradan jeke kólіkpen ótý, jol polıtsııasyna qujattardy kórsetý nemese saqtandyrý rásіmdeý kezіnde qajet bolýy múmkіn.
Aıta keteıіk, halyqaralyq júrgіzýshі kýálіgіn alý úshіn qaıta emtıhan tapsyrý nemese oqý qajet emes.
Polıtsııa azamattardy alaıaqtyq áreketterden saq bolýǵa shaqyrady. Kúmán týyndaǵan jaǵdaıda resmı aqparat alý úshіn іshkі іster organdaryna júgіný usynylady.