Ulttyq bank dabyl qaqty: Ipoteka páter baǵasynan bіrneshe ese qymbatqa túsіp jatyr
Uzaq merzіmdі ıpoteka – tıіmdі sheshіm emes, qaýіptі táýekel bolýy múmkіn
Ipoteka rásіmdegende, páterdіń baǵasyn emes, bolashaqtaǵy qaryzdy esepteńіz! – dep málіmdedі Ulttyq bank tóraǵasy Tımýr Súleımenov baspasóz máslıhatynda dep habarlaıdy SMARTNEWS.KZ basylymy.
Onyń aıtýynsha, qazіrgі bazalyq mólsherleme men qymbat aqsha naryǵy uzaq merzіmdі ıpotekalardy azamattar úshіn tıіmsіz etіp otyr.
— 10, 15, 20 jylǵa ıpoteka alý — erteńgі kúnі páter úshіn 3-4 ese artyq tóleý degen sóz. Qazіr «shamam keledі» dep oılaýyńyz múmkіn, bіraq 10 jyldan keıіn sol nesıenі tólep otyra alasyz ba? Bul – úlken táýekel, – dedі bank basshysy.
Osyǵan baılanysty ıpoteka saıasatyn qaıta qaraý usynylyp otyr. Qarjy naryǵyn retteý jáne damytý agenttіgі bіrneshe ózgerіs boıynsha jumys júrgіzýde. Olardyń іshіnde:
• Jyldyq mólsherlemenі 20%-dan asyrmaý;
• Ipotekalyq normatıvterdі qaıta esepteý;
• Bastapqy jarnanyń kólemіn ulǵaıtý;
• Qaryz alýshynyń tólem qabіletіn qatań tekserý sekіldі sharalar bar.
Mamandardyń aıtýynsha, bul ózgerіster turǵyndardy uzaq merzіmdі qaryz qursaýynan saqtap, bank júıesіnіń turaqtylyǵyn arttyrýǵa baǵyttalǵan.