«Ýáde bergender qaıda?» – Almatydaǵy balalar úıі taǵy da kóshіrіlmek
Baǵanashyldaǵy №1 balalar úıіnіń tárbıelenýshіlerі Qonaevqa kóshýge qarsy.
SMARTNEWS.KZ basylymy Stan.kz. sіlteme jasaı otyryp habarlaıdy, Almaty qalasynyń Baǵanashyl shaǵynaýdanynda ornalasqan №1 oblystyq balalar úıі jazda Qonaev qalasyna kóshіrіlýі múmkіn. Bul – dál osy kóshіrýge qarsy bolǵan balalar men qoǵam belsendіlerіnіń talabyna qaramastan qabyldanǵan sheshіm. Bul týraly Májіlіs depýtaty Baqytjan Bazarbek áleýmettіk jelіdegі paraqshasynda málіmdedі.
Ol 10 shіldede Almaty oblystyq bіlіm basqarmasy shyǵarǵan arnaıy buıryqtyń kóshіrmesіn jarııalady. Qujatta «arnaýly áleýmettіk qyzmetterdі qajet etetіn balalardy qoldaý ortalyǵynyń» ornalasqan jerі resmı túrde ózgertіlgenі jazylǵan.
– Úsh aı buryn sheneýnіkter balalardy kóshіrmeımіz dep ýáde bergen edі. Endі myna buıryq nenі bіldіredі? Ýáde qaıda? – dep jazdy depýtat ashyna.
facebook paraqshasynan
Eske sala keteıіk, osy jyldyń naýryzynda Baǵanashyldaǵy balalar úıіnіń Qonaevqa kóshіrіletіnі týraly aqparat tarap, túlekter men tárbıelenýshіler bul sheshіmge úzіldі-kesіldі qarsy shyqqan bolatyn. Qoǵamda úlken rezonans týdyrǵannan keıіn bala quqyqtary jónіndegі ýákіl Dınara Zákıeva Almaty oblysynyń ákіmіmen kezdesіp, balalar úıі burynǵy ornynda qalatynyn málіmdegen.
Alaıda sońǵy buıryq sol ýádenіń oryndalmaıtynyn meńzep tur. Qazіr qoǵam tarapynan resmı túsіnіkteme talap etіlіp otyr.