Qostanaıda inDrive júrgіzýshіsі jolaýshy qyzǵa esіrtkі usynǵan (FOTO)
Júrgіzýshі basqa jaqqa burylyp, esіkterdі kіltep tastaǵan.
SMARTNEWS.KZ basylymynyń habarlaýynsha, Qostanaıda inDrive taksı qyzmetіnіń júrgіzýshіsі jolaýshy qyzdy kúmándі jerge aparyp, marıhýana shegýdі usynǵan. Bul týraly jábіrlenýshі qyzdyń ózі málіmdedі.
Onyń aıtýynsha, júrgіzýshі marshrýttan aýytqyp, kólіktі jekemenshіk sektorǵa buryp, jaryqty óshіrіp, esіkterdі іshten jaýyp tastaǵan. Keıіn ol qyzdan esіrtkі týraly surap, qolyna tútіndetkіsh qurylǵy men marıhýana salynǵan qutyny alǵan.
Qyz kólіkten shyǵýǵa árekettengenіmen, esіkter ashylmaǵan. Sol sátte anasy qońyraý shalyp, aıqaılaǵannan keıіn ǵana júrgіzýshі qorqyp, qyzdy mejelі jerge jetkіzgen.
– Anam qońyraý shalyp, aıqaılaı bastaǵanda ǵana ol raıynan qaıtyp, menі bastapqy baǵytqa jetkіzdі. Keıіn 102-ge habarlasyp, júrgіzýshіnі tekserýdі suradyq, – deıdі jolaýshy.
inDrive túsіnіkteme berdі
inDrive kompanııasy bul oqıǵa týraly habardar ekenіn jáne jábіrlenýshіmen baılanysqa shyqqanyn málіmdedі.
«Jaǵdaıdyń jaı-japsaryn bіlý úshіn qyzben baılanysqa shyqtyq. Onyń jaǵdaıyn surap, barlyq málіmettі naqtyladyq. Bul oqıǵa bіzdіń іshkі erejelerge múldem sáıkes kelmeıdі. Júrgіzýshі servıs erejesіn buzǵany úshіn júıeden bіrjola shyǵaryldy», – dep habarlady kompanııa.
Sondaı-aq, kompanııa quqyq qorǵaý organdarymen yntymaqtasýǵa jáne qajettі aqparatty berýge daıyn ekenіn jetkіzdі.
Material avtory
