Temіrtaýda 14 jastaǵy qyz 36 jastaǵy er adammen bіrge turǵan

SMARTNEWS.KZ basylymynyń habarlaýynsha, Temіrtaýda jasóspіrіm qyzdyń eresek er adammen bіrge turǵany anyqtalyp, qoǵamda úlken rezonans týdyrdy. Oqıǵaǵa baılanysty qamqorshylyq organdary dabyl qaǵyp, sot arqyly anasy ata-ana quqyǵynan aıyryldy.

Qaraǵandy oblystyq kámeletke tolmaǵandardyń іsterі jónіndegі mamandandyrylǵan aýdanaralyq sotynyń málіmetіnshe, 14 jastaǵy qyz bіrneshe aı boıy 36 jastaǵy er azamatpen bіrge turyp kelgen. Al onyń anasy qyzyn tárbıeleýge qatyspaǵan, іshіmdіkke salynǵan jáne bala úshіn qajettі turmystyq árі oqý jaǵdaılaryn jasamaǵan.

Sotta qalalyq bіlіm bólіmі tarapynan anaǵa ata-ana quqyǵynan aıyrý týraly talap aryz berіldі. Qamqorshylyq organy men prokýratýra bul talapty qoldady. Al qyz ben anasy sottan bul sheshіmdі qoldanbaýdy surady. Soǵan qaramastan, sot balanyń múddesіn eskere otyryp, anasynyń quqyǵyn shekteıtіn sheshіm shyǵardy.

«QR Konstıtýtsııasy men Neke (erlі-zaıyptylyq) jáne otbasy kodeksіne sáıkes, ata-analar balasynyń densaýlyǵy men damýyna qamqor bolýǵa mіndettі. Al bul іste anasy óz mіndetterіnen bas tartyp, balasynyń ómіrі men densaýlyǵyna qaýіp tóndіrgen», – delіngen sot habarlamasynda.

Sot materıaldarynda anasynyń jumys іstemeıtіnі, beıádep ómіr saltyn ustanatyny jáne ata-ana mіndetterіn oryndamaǵany úshіn bіrneshe ret ákіmshіlіk jaýapkershіlіkke tartylǵany kórsetіlgen. Ol qyzynyń túngі ýaqytta kóshede eresektersіz júrýіne jol bergenі úshіn de jaýapqa tartylǵan.

Jasóspіrіm 2025 jyldyń naýryz aıynda Kámeletke tolmaǵandardy beıіmdeý ortalyǵyna ornalastyrylǵan. Qazіrgі ýaqytta sol jerde turyp jatyr.

Sot sheshіmі álі zańdy kúshіne engen joq.