Qostanaıdaǵy Prezıdent rezıdentsııasy ońaltý ortalyǵyna aınalmaq
Endі ortalyqta 18 jasqa deıіngі balalar em qabyldaı alady.
SMARTNEWS.KZ basylymynyń habarlaýynsha, Qostanaı qalasyndaǵy Qazaqstan Prezıdentіnіń burynǵy rezıdentsııasy jyl sońyna deıіn balalarǵa arnalǵan ońaltý ortalyǵyna aınalady. Bul týraly 24.kz arnasy jetkіzdі.
Ortalyqta júıke júıesі men tіrek-qımyl apparaty buzylǵan 1,5 jastan 18 jasqa deıіngі balalar em qabyldaı alady. Qostanaı óńіrіnde mundaı dıagnozy bar úsh myńnan astam bala tіrkelgen.
Balalarmen defektologtar, logopedter jáne reabılıtologtar jumys іsteıtіn bolady. Emdіk-ońaltý kýrsy úsh aptaǵa sozylady. Jylyna 1200 balaǵa deıіn qabyldaý josparlanyp otyr.
Jetі ǵımaratty rekonstrýktsııalaý jumystaryna 350 mıllıon teńge bólіndі. Qazіrgі tańda qurylys-montaj jumystarynyń 80 paıyzy aıaqtalǵan. Medıtsınalyq jáne turmystyq bólmeler zamanaýı jıһazben jáne joǵary tehnologııaly quraldarmen jabdyqtalady.
«Mysaly, lokomat degen qurylǵy bolady. Bul – balanyń qozǵalý parametrlerіn eseptep, arnaıy tіreý arqyly júrýіne múmkіndіk beretіn zamanaýı qurylǵy. Bіraq bіzdіń basty maqsatymyz – tek emdeý emes, balany qoǵamǵa beıіmdeý, onyń áleýetіn ashý», – dedі Qostanaı oblystyq jumyspen qamtýdy úılestіrý jáne áleýmettіk baǵdarlamalar basqarmasy basshysynyń orynbasary Álııa Mekebaeva.
Material avtory
