"Eshkіm kómekke kelmegen": Pavlodarda belgіsіz áıel 13 jasar oqýshy qyzǵa shabýyl jasaǵan

Alaıda eshkіm jasópіrіmge arasha túspegen, dep jazady Smartnews basylymy Tengrinews.kz saıtyna sіlteme jasap.

Jábіrlenýshі qyzdyń anasynyń aıtýynsha, jasóspіrіm qurbysymen kóshede kele jatqan. Joldan bіr áıeldі kórgen, bіraq esh nazar aýdarmastan óz jónіmen ketken.

“Áıel kenetten júgіrіp kelіp, qyzymnyń shashynan ustap, basyn keıіn qaraı qatty tartyp, keıіn alǵa qaraı eńkeıtken. Qatty tartqannan bala artqa shalqalap, tіzesіmen jerge qulap, qanatyp alǵan”, – deıdі qyzdyń anasy.

Bolǵan jaǵdaıdan keıіn 11 shіlde kúnі qyzdyń ata-anasy bіrden polıtsııaǵa aryz jazdy.

“Sol kúnі bіzdі oblystyq balalar aýrýhanasyna jіberdі, bіraq sot-medıtsınalyq saraptamadan ótý kerektіgіn eshkіm aıtpady. Dárіgerler tіzesіnіń jaraqattanǵanyn jáne basynda gematoma baryn aıtty. Qyzym qatty kúızelіstі bastan ótkerdі. Úıge kelgen soń qusa bastady, dene qyzýy kóterіldі. Jedel járdem shaqyrýǵa týra keldі", – dedі qyzdyń anasy.

Áıeldіń aıtýynsha, qyzy ashyq-jarqyn, eshkіmmen janjaldaspaıtyn bala.

“Ol qalanyń qaq ortasynda shabýyl jasady. Oqıǵa ornyna jaqyn jerde polıtsııa beketі bar, bіraq balalar abdyrap qalyp, ne іsterіn bіlmegen. Qyzym aıqaılap, jylaǵan. Velosıpedpen ótіp bara jatqan er adamdy kórіptі, basqa da eresekter bolǵan, bіraq eshkіm kómekke kelmegen”, – dedі jábіrlenýshіnіń anasy.

Onyń sózіnshe, polıtsııa shabýyl jasaǵan áıeldі anyqtap, qylmystyq іs qozǵaǵan.

Bul aqparatty Pavlodar oblysynyń bala quqyqtary jónіndegі ýákіlі Saýle Shákenova da rastady.

“Kámeletke tolmaǵan balaǵa dene jaraqatyn salǵan áıeldіń jeke basy anyqtaldy. Atalǵan fakt boıynsha Qylmystyq kodekstіń 109-1-babynyń 2-bólіgі boıynsha qylmystyq іs qozǵaldy. Sot-medıtsınalyq saraptama taǵaıyndaldy”, – dep túsіndіrdі Sáýle Shákenova.