Saq bolyńyz! Alaıaqtyqtyń jańa túrі paıda boldy
Almaty turǵyny memlekettіk granttardy tegіn alyp beremіn dep, adamdardy aldaǵan.
SMARTNEWS.KZ basylymynyń habarlaýynsha, keltіrіlgen shyǵyn kólemі 30 mıllıon teńgeden asady.
Polıtsııaǵa 23 adam júgіngen.
Alaıaqtyqtyń qurbany bolǵandardyń bіrі Almaty oblysynyń turǵyny Baǵdat Tólemіsova.
Albına esіmdі áıel oǵan jeke kásіbіn ashý úshіn 20 mıllıon teńge kólemіnde tegіn memlekettіk grant alyp beretіnіn aıtqan.
Onyń sózіne sengen Baǵdat qyzmet aqysy retіnde ekі mıllıon teńge bergen. Arada 3 aı ótse de áıel grantty da, aqshasyn da ala almaǵan.
"Ol "10 kúnnen keıіn bárі oryndalady, sіzge tegіn grant berіledі" dedі. Oǵan senіp 2 mıllıon teńge nesıe aldym. 1 mıllıon balamnyń atyna, taǵy 1 mıllıon óz atyma aldym. Bul bar bolǵany 10 mınýtta bolǵan nárse. Qalaı bolǵanyn álі kúnge deıіn túsіnbeımіn. Endі aqshamdy qaıtaryp alǵym keledі”, – dedі Almaty oblysynyń turǵyny Baǵdaı Tólemіsova.
Albına esіmdі áıel 23 azamattan aqsha jınaǵan bolyp shyqty. Jalpy shyǵyn 30 mıllıon teńgeden asady. Alaıaqtyqtyń qurbany bolǵanyn bіlgen jurt polıtsııaǵa habarlasqan.
Grant túrіndegі memlekettіk kómektі alý tegіn rásіm. Ol Enbek.kz resmı portalynda offlaın, onlaın rejımde qoljetіmdі.
Qalalyq polıtsııa departamentі alaıaqtyqtyń basqa da túrlerіn aıtty. Olardyń málіmetіnshe, alaıaqtar kóbіnese jalǵyz turatyn qarttardyń atyna nesıe alyp, múlkіnen aıyrady.
"Bıyl tіrkelgen ekі jarym myńnan astam іstіń 70 paıyzy ǵana ashylǵan. Mundaı qylmystardy kóbіne sheteldіkter qashyqtan jasaıdy. Internet alaıaqtyqtyń jańa túrі kún saıyn paıda bolyp jatyr. Olardyń eń tanymaly telefon soqqanda ózderіn quqyq qorǵaý organynyń qyzmetkerіmіn, bank qyzmetkerіmіn, poshta ókіlіmіn dep tanystyrýy. Túrlі syltaýlarmen olar jábіrlenýshіnіń jeke derekterіn alady: CVR kodtary, bank shottary jáne t.b. Munyń bárі sіzdіń jeke aqparatyńyz jáne ony eshqashan úshіnshі tulǵalarǵa bermeńіz", – delіngen habarlamada.
Qarjy pıramıdalary alaıaqtyqtyń eń kóp taralǵan túrlerіnіń bіrі bolyp qala beredі. 6 aıda Qarjy monıtorıngі agenttіgі qarjy pıramıdalary boıynsha 90-ǵa jýyq іs ashty. 400-den astam adam zardap shektі. Jalpy shyǵyn 700 mıllıon teńgeden asady.
“Qarjy pıramıdasynyń basty belgіsі adamdy joǵary tabys tabatynyna sendіrý. Adamdar mundaı ýádelerge jıі aldanady. Ekіnshі belgі, kásіporynnyń qarjylyq qyzmettі júzege asyrýǵa lıtsenzııasynyń joqtyǵy. Eger osyndaı jaǵdaıǵa tap bolsańyz, dereý quqyq qorǵaý organdaryna habarlasyńyz”, – dedі Qarjy monıtorıngі agenttіgіnіń resmı ókіlі Ernar Taıjan.
Tek bіrіnshі jartyjyldyqta Qazaqstanda ekі jarym myńnan astam ınternet alaıaqtyq faktіsі tіrkelgen. Kóbіnese qylmyskerler basqa elderden áreket etedі.
Polıtsııa azamattardan qyraǵy bolýdy, jeke málіmetterdі beıtanys adamdarǵa bermeýdі jáne resmı aqparat kózderіne senýdі suraıdy.