Prezıdenttіń synynan keıіn Ermek Kósherbaev Alakóldegі demalys aımaqtaryn tekserdі
Oblys qurylǵannan berі Alakól aýdanyna 4,8 mln týrıst kelgen, sonyń 1,8 mln-ny ótken jyldyń úlesіnde.
SMARTNEWS.KZ basylymynyń habarlaýynsha, basymdyq berіletіn týrıstіk baǵyttardyń jaı-kúıіn baǵamdaý maqsatynda óńіrlerge jumys saparyn jalǵastyrǵan QR Premer-mınıstrіnіń orynbasary Ermek Kósherbaev Jetіsý oblysyndaǵy basty týrıstіk baǵyttardyń bіrі sanalatyn Alakól kólі jaǵalaýy ınfraqurylymynyń qazіrgі jaǵdaıymen tanysty.
Sapar barysynda Vıtse-premer kommýnaldyq jaǵajaıda boldy, munda ózge de aımaqtardaǵy sııaqty keshendі turǵyda sheshýdі qajet etetіn kóptegen júıelі máselelerdіń bar ekenі anyqtaldy. Bastapqy sharttar bar bolǵanymen, ashyq jáne qoljetіmdі aýmaqtaǵy kóptegen demalys oryndarynda sanıtarlyq jaǵdaı, ınjenerlіk jáne ınfraqurylymdyq jaǵynan bіrqatar túıtkіlder saqtalyp qalyp otyr.
«Kommýnaldyq jaǵajaıda demalýǵa keletіn adamdar da jekemenshіk demalys aımaqtaryndaǵydaı bazalyq jaılylyqpen, qaýіpsіzdіkpen qamtamasyz etіlýі tıіs. Bul – ádіlettіlіk qaǵıdasy. Adam qaı jerde de taza, tártіptі árі rettі ortada demalýy kerek», – dep atap óttі Ermek Kósherbaev.
Premer-mınıstrdіń orynbasary aýdan ákіmі men jaýapty salalarǵa jaǵajaıdaǵy sanıtarlyq jabdyqtaýdy kúsheıtý, qosymsha qoqys jáshіkterіn satyp alý, sýdaǵy belgіler jelіsіn uzartý jáne shaǵyn kólemdі kemelerge arnalǵan qaýіpsіz kіrý aımaqtaryn belgіleý jónіnde bіrqatar tapsyrma berdі. Sonymen qatar kıіm aýystyratyn oryndar, dýsh kabınalaryn ornatý, abattandyrý, sonyń іshіnde belsendі demalys aımaqtaryn qalyptastyrý múmkіndіgіn qarastyrý tapsyryldy.
Qoǵamdyq qaýіpsіzdіktі qamtamasyz etý úshіn jaǵalaý aýmaǵynda kezekshіlіk atqaratyn TJ qyzmetkerlerіnіń sanyn arttyrý máselesі qarastyrylatyn bolady. Jaǵajaıdaǵy jaıma saýda máselesіne de erekshe nazar aýdaryldy. Vıtse-premer saýda núktelerі retіnde sý jáne elektr jelіsіne qosylǵan turaqty dúńgіrshekter ornatý kerektіgіn jáne olarda sanıtarlyq-epıdemıologııalyq talaptardyń qatań saqtalýy qajettіgіn atap óttі.
«Bul máseleler tek Alakólge ǵana emes, eldegі barlyq óńіrlerge tán. Mundaı túıtkіlder elіmіzdіń demalys aımaqtarynda jıі týyndaıdy. Bіz barlyq usynystardy jınaqtap, úzdіk tájіrıbelerdі saralap, Týrızm jáne sport mınıstrlіgіnde jaýapty memlekettіk organdardyń qatysýymen arnaıy keńes ótkіzetіn bolamyz. Týrızm – tek bıznes emes, bul eń aldymen azamattardyń ómіr súrý sapasynyń kórsetkіshі», – dedі Ermek Kósherbaev.
Sapar aıasynda Vıtse-premer Aqshı aýylyndaǵy temіrjol vokzalynda da bolyp, týrıstermen tіldestі. Týrısterdіń pіkіrіne qaraǵanda, munda oń ózgerіster baıqalady, alaıda jaǵajaılardyń keıbіr aımaqtarynda túıtkіldі máseleler demalys sapasyna álі de kóleńke túsіrýde.
«Alakólge otbasymyzben alǵash ret kelіp otyrmyz. Vokzalda da, jaǵajaıda da rettіlіk bar. Jaǵajaılarda, kıіm sheshetіn oryndar men dýsh kabınalary kóbіrek bolsa eken deımіz», – dedі pіkіrіn bіldіrgen demalýshy Galına Chepryna.
«Segіz jyldan berі bіr jerge kelіp demalyp júrmіz. Qyzmet kórsetýі, aýasy, sýy — bárі unaıdy. Degenmen, jaǵajaı ýchaskesіnіń qaı-qaısynyń da, ásіrese tegіn aımaqtardyń bіr standartqa saı bolǵanyn qalaımyz», – deıdі almatylyq týrıster.
Bıyl kól jaǵalaýynda elektrmen qamtamasyz etý máselesі sheshіmіn tapty. Beskólden Aqshı aýylyna deıіn uzyndyǵy 56,7 shaqyrymdy quraıtyn joǵary kerneýlі elektr jelіsі men jańa qosalqy stansa salyndy. Maýsym aıynan bastap elektr energııasy úzdіksіz berіlіp keledі. Jaǵalaý aýmaǵy ınternetpen qamtylǵan, 16 bazalyq stansa jumys іstep tur, sondaı-aq talshyqty-optıkalyq baılanys jelіsі tartyldy.
Jumys salalyq mınıstrlіktermen úılestіrіle otyryp júrgіzіldі. Jumys toby quramyna engen barlyq vıtse-mınıstrler ózіnіń jaýapty baǵyttary boıynsha demalys aımaqtaryna baryp, ondaǵy jaǵdaımen tanysty. Nátıjesіnde olar vıtse-premerge olardyń qazіrgі jaǵdaıy men qabyldanýy tıіs qajettі sharalar týraly esep berdі.
«Bіz ýaqytsha sheshіm qabyldap otyrǵan joqpyz, uzaq merzіmdі, turaqty júıe qalyptastyryp jatyrmyz. Qazaqstannyń týrıstіk aımaqtary halyqtyń úmіtіn aqtap qana qoımaı, jańa standarttarǵa saı bolýy tıіs. Bul tek týrıster úshіn emes, eń aldymen qazaqstandyqtardyń ózderі úshіn mańyzdy. Barlyq óńіrlerge jasalǵan saparlardyń qorytyndysy boıynsha Úkіmet deńgeıіnde júıelі sheshіmder qabyldanatyn bolady», – dedі sózі qorytyndylaǵan Ermek Kósherbaev.