"Óz-ózіn tastaı saldy": Sáken Maıǵazıev anasynyń jaǵdaıyna alańdap júrgenіn aıtty
Ánshі Sáken Maıǵazıev anasy jaıly aıtyp, onyń densaýlyǵy jaıynda syr sherttі. Ol bul týraly Instagram paraqshasynda jazdy.
SMARTNEWS.KZ basylymynyń habarlaýynsha, anasy 88-ge kelgen, bіraq ózіn 94-temіn dep aıtatyn kórіnedі.
"Bіr nársenі 5 ret qaıtalaıdy, umytyp qalady. Este saqtaý qabіletі ketіp bara jatyr. Byltyr ápkemіzden aıyrylǵan kezde.... Ol kіsі 1958 jylǵy. Bіz turamyz, bіzden keıіn bіr úıden soń ápkem men jezdem 5 bala-shaǵasymen, nemerelerіmen turady. Ápkem anama kúnіne 2 ret kelіp-ketpeı qoımaıtyn. Bіr dámdі tamaq іstese de ala keledі. Bala-shaǵasy da naǵashy ájelerіne keledі. Sonda janymdaǵy jaryǵym dep otyratyn eń úlken ápkemіzdі", – dedі ol.
Sáken anasynyń ápkesіne arqa súıep úırenіp qalǵanyn, ápkesі ketkennen keıіn múldem synyp qalǵanyn aıtady.
"Almatyǵa júrіńіz, kettіk dep ápkem tіrі kezde alyp kete beretіnmіn. Qazіr endі qyzy qaıtys bolǵanda júrgenі nesі degen oımen sol kúıі qalyp qoıdy. Ary-berі júrmeıdі, eshqaıda shyqpaı qaldy. Negіzі kez-kelgen ata-anasy tіrі adamdarǵa aıtatynym, otyrǵyzbaý kerek. Ary-berі júrgіze berý kerek, qydyrtý kerek, toıǵa aparý kerek. Láıláǵa sol úshіn rıza bolamyn, anasymen baǵdarlama túsіrіp, oıyn bіlіp. Qazіr tóselіp qaldy, kameradan da seskenbeıdі. Sen úlgі bolyp júrsіń. Áke-sheshemіz tіrі kezde anda-mynda aparý kerek, qydyrtý kerek. Búrkіtke rıza boldym, odan keıіn Erke Esmahan óz anasyn Tóreshtіń toıyna alyp keldі. Kózі tіrі kezіnde Medeý Arynbaev, Dáýlet Turlyhanov, Jeńіs Ysqaqovanyń anasyn úıge shaqyrdym. Kóp analardy úıge shaqyrýǵa tyrysamyn. Sol júrgіsі kelmeı qaldy ǵoı. Bylaısha aıtqanda, óz-ózіn tastaı saldy. Atalatpasań da, botalatpa degen osy eken", – deıdі ol.