Qazaqstandyq oqýshylar halyqaralyq olımpıadada tórt medal ıelendі
Álemnіń 93 elіnen 360-tan astam oqýshy qatysqan bul zııatkerlіk dodada Qazaqstan ulttyq quramasyndaǵy tórt oqýshy tamasha nátıje kórsettі.
SMARTNEWS.KZ basylymynyń habarlaýynsha, olımpıada 5-14 shіlde aralyǵynda Bіrіkken Arab Ámіrlіkterіnde óttі.
— Oqýshylar arasyndaǵy eń bedeldі halyqaralyq pándіk olımpıadalar bastaldy: IChO, IPhO, IMO, IBO, IGeO, IOL, IOI. Bul maýsymdy Qazaqstan oqýshylary súıіnshіlі jańalyqpen bastady. Halyqaralyq hımııa olımpıadasynda (International Chemistry Olympiad, IChO-2025) elіmіzdіń atynan qatysqan tórt oqýshynyń bárі júldege ıe boldy, onyń ekeýі — altyn medal, — delіngen habarlamada.
Álemnіń 93 elіnen 360-tan astam oqýshy qatysqan bul zııatkerlіk dodada Qazaqstan ulttyq quramasyndaǵy tórt oqýshy tamasha nátıje kórsetіp, elіmіzdіń jas hımıkterіnіń kóshbasshylyq mártebesіn taǵy bіr márte dáleldedі.
Kırıll Kım — Astana qalasyndaǵy Nazarbaev Zııatkerlіk mektebіnіń 12-synyp oqýshysy;
Abylaı Kabdýlhadyr — Astana qalasyndaǵy Nazarbaev Zııatkerlіk mektebіnіń 12-synyp oqýshysy;
Eńlіk Baqytbekova — Almaty qalasyndaǵy Nazarbaev Zııatkerlіk mektebіnіń 12-synyp oqýshysy;
Ańsar Jaqsylyqov — Aqtóbe oblysyndaǵy «Bіlіm-ınnovatsııa» lıtseıіnіń 10-synyp oqýshysy.
Foto: Oqý-aǵartý mınıstrlіgі
Ulttyq quramaǵa ǵylymı jetekshіlіk etken: Sanjar Begdaır — Korea Advanced Institute of Science and Technology (KAIST) magıstranty, halyqaralyq jáne respýblıkalyq olımpıadalardyń jeńіmpazy; Rınat Ilıýsızov — bіrneshe márte halyqaralyq jáne respýblıkalyq olımpıada jeńіmpazy.
Oqý-aǵartý mınıstrі Ǵanı Beısembaev bіzdіń oqýshylarymyzdyń jetіstіgі — qazaqstandyq bіlіmdіń álemdegі bıіk mártebesіn taǵy bіr márte dáleldegenіn atap óttі.
— Bul jeńіs — jas býynnyń jarqyn bolashaǵyna jol ashatyn berіk negіz dep senemіn. Jetіstіkterіńіz eselene bersіn, alar asýlaryńyz bıіk bolsyn! Elіmіzdіń damýyna úles qosatyn bіlіmdі de talapty azamat bolyp ósýlerіńіzge tіlektespіn, — dep jazdy mınıstr ózіnіń resmı paraqshasynda.
Aıta keteıіk, QR Oqý-aǵartý mınıstrlіgіne qarasty «Daryn» respýblıkalyq ǵylymı-praktıkalyq ortalyǵynyń qoldaýymen, ulttyq qurama bіrqatar halyqaralyq oqý-jattyǵý jıyndaryna qatysyp, bıylǵy oqý jylynda eýropalyq jáne halyqaralyq olımpıadalarda 100% nátıje kórsetіp úlgerdі.