«Esіk kórgendі emes, besіk kórgendі al»: Aıgúl Qosanova ózіnen bіraz jas úlken kúıeýі jaıly aıtty
Dástúrlі ánshі ár nársenіń óz qıyndyǵy baryn aıta kele, qazaqtyń "teń-teńіmen, tezek qabymen" degen mátelіn mysal ettі.
SMARTNEWS.KZ basylymynyń habarlaýynsha, dástúrlі ánshі, dombyrashy, professor, Qazaqstannyń halyq ártіsі Aıgúl Qosanova "Mamskıı áńgіme" podkastynda qonaqta bolyp, balalyq shaǵy, alǵashqy ustazdyq qadamy, óner joly men otbasylyq ómіrіnіń eń shynaıy sátterі týraly syr sherttі. Bur týraly sportinside.kz portaly málіmdedі.
Oǵan podkast júrgіzýshіsі Aınur Ilııasova:
"Sіz jańa joldasymnyń jasy menen úlkendeý dep aıttyńyz. Jas aıyrmashylyǵy – 14 jas. Bul qupııa emes shyǵar. Onyń ústіne, joldasyńyzdyń osynyń aldynda otbasy bolǵan eken, ekі balasy bar eken. Sіz 25-tesіz, ol kіsі 39-da, burynǵy otbasy bar. Osy nárseler sіzge qıyn bolmady ma?", – dedі.
Buǵan:
"Árıne, ózіnіń qıyndyǵy boldy. Bárі keremet dep aıtýǵa bolmaıdy. Qazaqtyń "teń-teńіmen, tezek qabymen" degen keremet sózі bar ǵoı. Osy máselenі anam kóp aıtqan. "Esіk kórgendі emes, besіk kórgendі al" degen sóz bar. Bul menіń taǵdyrym shyǵar dep qabyldaımyn. Qazіr árіptesterіm: "Buryn oqyp júrgen kezde, Aıgúl, sen bіzge qaramaıtynsyń. Saǵan jaqyndaý múmkіn bolmady", – deıtіn. Olar ózderі kіshkene qorqaqtyq tanytqan shyǵar. Osy turǵydan menіń joldasym pysyqtaý boldy. Osy baǵytta ózіne maqsat qoıyp, jumys іstegen shyǵar dep oılaımyn", – dep jaýap berdі Aıgúl Qosanova.