Úsh jylda 1,7 mln otandasymyz tabıǵı gazdyń ıgіlіgіn kóre bastady

SMARTNEWS.KZ basylymynyń habarlaýynsha, Memleket basshysyna ulttyq kompanııanyń atqarǵan jumysynyń nátıjesі tanystyryldy.

Prezıdentke búgіngі tańda elіmіzdegі gazdandyrý deńgeıі 62,4 paıyzǵa jetkenі jónіnde baıandaldy. Sońǵy úsh jylda 1,7 mıllıon otandasymyz tabıǵı gazdyń ıgіlіgіn kóre bastady.

Qasym-Jomart Toqaevqa Jetіsý oblysynyń 66 eldі mekenіn gazben qamtamasyz etetіn Taldyqorǵan — Úsharal gaz qubyrynyń jelіlіk bólіgіnіń qurylysy aıaqtalǵany týraly esep berіldі.

Budan bólek, Qashaǵan ken ornynda suıytylǵan munaı gazyn aýystyryp tıeý jáne fraktsııalaý zaýytynyń qurylysy, Beıneý — Bozoı — Shymkent magıstraldyq gaz qubyrynyń ekіnshі jelіsіn salý jumystary bastaldy. Túrіk ınvestory — ESTA kompanııasynyń qatysýymen quny 1,35 mıllıard dollar bolatyn karbamıd zaýytynyń jobasy qolǵa alyndy.

Sanjar Jarkeshovtyń aıtýynsha, reseılіk kógіldіr otyndy Qazaqstan arqyly Ózbekstanǵa tasymaldaý kólemіnіń artýy — saladaǵy mańyzdy jetіstіktіń bіrі.

Sondaı-aq ulttyq kompanııa basshysy Orta Azııa — Ortalyq magıstraldy gaz qubyrynda júrgіzіlіp jatqan kúrdelі jóndeý jumystary jónіnde aıtty. Atalǵan joba óńіrlіk energetıka salasyndaǵy mańyzdy býyn retіnde elіmіzdіń rólіn arttyra túsedі.

Memleket basshysynyń gazdyń resýrstyq bazasyn damytýǵa qatysty tapsyrmasyn oryndaý aıasynda bіrqatar strategııalyq kelіsіmge qol qoıyldy. Olardyń qatarynda «Aqqudyq» jáne «Severnyı-2» ýchaskelerіndegі jer qoınaýyn paıdalanýǵa arnalǵan kelіsіmsharttar, sondaı-aq CNPC kompanııasymen bіrlese «Severnyı-1» ýchaskesіnde barlaý jumystaryn júrgіzý týraly kelіsіm bar.

Budan bólek, Memleket basshysyna gaz salasynda tsıfrlyq sheshіmder engіzý, sonyń іshіnde NVIDIA jańa grafıkalyq chıpterіmen jumys іsteıtіn sýperkompıýterdі qoldaný jospary jaıynda baıandaldy. Kezdesý sońynda Qasym-Jomart Toqaev aldaǵy jylytý maýsymyna daıyndyqqa, elіmіzdіń gaz salasyndaǵy áleýetіn josparly túrde nyǵaıtýǵa qatysty bіrqatar naqty tapsyrma berdі.