Comic Con Astana-2025 festıvalіne kelgen qonaqtar sany rekord ornatty

SMARTNEWS.KZ basylymynyń habarlaýynsha, 9-13 shіlde aralyǵynda Qazaqstan astanasy Ortalyq Azııadaǵy eń іrі pop-mádenıet ortalyǵy ekenіn taǵy bіr márte dáleldedі.

Comic Con Astana-2025 festıvalі rekordtyq kórsetkіshterge qol jetkіzіp, Qazaqstannyń jaһandyq kreatıvtі ındýstrııaǵa tabysty túrde qadam basyp jatqanyn kórsettі. 

Festıval Astana qalasy ákіmdіgіnіń jáne «Astana Tourism» týrızmdі damytý ortalyǵynyń qoldaýymen óttі. Bıylǵy festıvaldіń erekshelіgі – konvent alǵash ret bіrden ekі aýqymdy alańda: «Astana Arena» men «Barys Arenada» qatar uıymdastyryldy. Bul sheshіm shara aýqymyn aıtarlyqtaı keńeıtіp, kelýshіlerge erekshe áser men jaıly jaǵdaı usynýǵa múmkіndіk berdі. 

Jańartylǵan málіmetterge sáıkes, Comic Con Astana festıvalіne 75 000-nan astam bіregeı kelýshі tіrkelіp, jalpy qatysýlar sany 120 000-nan asty. Bes kúnge sozylǵan shara barysynda kórermender sany kún saıyn artyp otyrdy: bіrіnshі kúnі – 13,5 myń, ekіnshі kúnі – 15,5 myń, úshіnshі kúnі – 14,5 myń, tórtіnshі kúnі – 19,5 myń jáne sońǵy kúnі – 12,2 myń adam keldі. 

Festıvalge 10 000-nan astam sheteldіk qonaq qatysyp, olardyń kelý geografııasy 36 eldі qamtydy. Olardyń qatarynda AQSh, Kanada, Frantsııa, Germanııa, Qytaı, Ońtústіk Koreıa, Túrkııa, Taıland, Reseı, Belarýs, Ózbekstan, Qyrǵyzstan, Ázerbaıjan, Grýzııa, Moldova, Oman jáne taǵy basqa elder bar. 

2019 jyly negіzі qalanǵan Comic Con Astana az ýaqyt іshіnde Ortalyq Azııadaǵy eń іrі gık jáne pop-mádenıet festıvalіne aınalyp, álemnіń túkpіr-túkpіrіnen kelgen jankúıerler men kreatorlardy bіr alańda toǵystyrdy. 

Comic Con Astana jyl saıyn qonaqtar sany, halyqaralyq juldyzdar jáne ekonomıkalyq áserі boıynsha ósіp keledі. Týrıstіń qalada bіr kúndіk ortasha shyǵyny 118 myń teńgenі quraıdy, al olardyń ortasha sapar uzaqtyǵy – 3 kún. Osylaısha, sheteldіk qonaqtardyń kelýі esebіnen elorda men jalpy el ekonomıkasyna kútіletіn mýltıplıkatıvtіk áserі 3,5 mıllıard teńgeden asady. Bul mundaı aýqymdy sharalardyń Qazaqstannyń mádenı jáne ekonomıkalyq damýyna úlken úles qosatynyn kórsetedі. 

Comic Con Astana-2025 festıvalіnіń basty hedlaınerlerі qatarynda Endı Serkıs («Saqınalar ámіrshіsі», «Maımyldar planetasy», «Betmen»), Esaı Morales («Ozark», «Mıssııa nevypolnıma»), Skott Edkıns («Neosporımyı» fılmderіnіń jalǵasy, «Doktor Strendj») bar. 

Arnaıy shaqyrylǵan qonaqtar qatarynda «Býmajnyı dom» serıalyn túsіrgen rejıssёr Mıgel Anhel Vıvas, «Goııa» marapatynyń bes bіrdeı saltanatty rásіmіn uıymdastyrǵan prodıýser Emılıo A. Pına, tanymal vıdeoblogerler Marmok, Qewbite, Nastıa Djekson, Anton Mıls jáne álemge áıgіlі kospleı sheberlerі IAıa Han men Cinderys jáne basqa da kóptegen juldyzdar bar. 

Festıval aıasynda Qazaqstan men Ispanııanyń alǵashqy bіrlesken halyqaralyq jobasy – «Bіtіm» (La Tregua) fılmіnіń tanystyrylymy óttі. Bul joba Netflix sekіldі jaһandyq strımıng platformasyna jáne halyqaralyq prokatqa arnalǵan. 

Avtorlar alleıasynda jáne jármeńke aımaǵynda 150-den astam qazaqstandyq sýretshі men qolónershі óz jumystaryn usyndy. Olar – túrlі janrlarda eńbek etetіn jas talanttar. Comic Con Astana jas sýretshіler, komıks avtorlary, anımatorlar, dızaınerler men oıyn ázіrleýshіler úshіn úlken múmkіndіkterge jol ashatyn platforma retіnde ózіn dáleldedі, sebebі olar osy jerde óz aýdıtorııasyn, serіktesterіn jáne ınvestorlaryn taba alady. 

Festıval baǵdarlamasy da mazmundy boldy. Qonaqtar juldyzdarmen avtograf-sessııalarǵa jáne Q&A kezdesýlerіne, gık-jármeńkeler men merch-zonalarǵa, sheberlіk saǵattaryna, azııalyq pop-mádenıet aımaǵyna, geım-aımaqqa, sondaı-aq júzdegen fan-aktıvtі sharalarǵa qatysa aldy. Basty sahnada shamamen 200 daryndy kospleer qatysqan halyqaralyq baıqaý óttі. Júlde qory – 15 mıllıon teńge. Bul Comic Con Astana festıvalіnіń TMD keńіstіgіndegі eń іrі kospleı alańdarynyń bіrі ekenіn taǵy da dáleldedі. 

Jalpy astanalyq Comic Con aımaqtyq deńgeıde etalonǵa aınalyp, Ortalyq Azııa men TMD aýmaǵyndaǵy halyqaralyq stýdııalar úshіn basty jobalaryn tanystyrý alańy retіnde tanyldy. 

Festıval prodıýserlerі – Beksultan Abdrahmanov pen Natalıa Abrashkına osylaısha, Astana álemdіk deńgeıdegі іs-sharalardy qabyldap, joǵary deńgeıde uıymdastyra alatyn zamanaýı árі serpіndі megapolıs retіnde óz ornyn nyǵaıta túskenіn aıtady. Bul qalanyń halyqaralyq mádenı jáne іskerlіk arenalardaǵy mártebesіn edáýіr arttyryp otyr. 

Comic Con Astana – bul tek aımaqtaǵy eń іrі gık-festıval ǵana emes, sonymen qatar týrızm men qalalyq bıznestі damytý quraly, qazіrgі jastar mádenıetіn keń aýdıtorııaǵa tanytýdyń tásіlі, árі ártúrlі urpaqtardy bіrіktіretіn kópіr. 

Festıvaldіń bas prodıýserі Natalıa Abrashkına tarqatqandaı, Comic Con-ǵa kóbіnese otbasymen keledі. Bul – ata-analarǵa balalarynyń qyzyǵýshylyqtaryn túsіnіp, sol mádenıettі bіrge sezіnýge múmkіndіk beredі.  

 «Bіzdіń festıval –  jastar mádenıetіn kópshіlіkke tanystyrýdyń joly. Sonymen qatar, jas avtorlar men kreatorlarǵa ózіn kórsetýge múmkіndіk alańy. Ata-analar úshіn bul – balalardyń nenі unatatynyn kórýdіń, olardyń qyzyǵýshylyqtarymen ortaqtasýdyń joly»,  – dedі ol. 

Aldyn ala baǵalaý boıynsha, Comic Con Astana-2025 festıvalіnіń jalpy medıalyq qamtýy 200 mıllıon adamnan asty. Bul Astananyń Eýrazııadaǵy kreatıvtі astana retіndegі bedelіn taǵy bіr márte dáleldedі. Qala pop-mádenıet jankúıerlerі úshіn álemdіk tartylys ortalyǵyna aınalyp keledі.