Qaıtarylǵan aktıvter esebіnen aýyldarda qandaı áleýmettіk jobalar júzege asýda
Qaıtarylǵan aktıvterdі ádіl árі tıіmdі paıdalaný jónіndegі memlekettіk saıasat aıasynda aýyldyq eldі mekenderde áleýmettіk mańyzy bar jobalar júzege asyryla bastady.
SMARTNEWS.KZ basylymynyń habarlaýynsha, memleketke qaıtarylǵan aktıvterden qalyptastyrylǵan arnaýly memlekettіk qor qarajaty esebіnen Qaraǵandy oblysynyń Shet aýdanyna qarasty Eńbekshіl jáne Jylandy aýyldarynda dárіgerlіk ambýlatorııalar salynýda.
Bul jobalar shalǵaıdaǵy aýyl turǵyndarynyń alǵashqy medıtsınalyq-sanıtarlyq kómekke qoljetіmdіlіgіn arttyrýǵa, densaýlyq saqtaý sapasyn jaqsartýǵa jáne ómіr súrý deńgeıіn kóterýge baǵyttalǵan.
Sondaı-aq Kóktenkól aýdanynda turǵyndardy taza aýyzsýmen qamtý maqsatynda sý qubyry jelіlerіnіń qurylysy bastaldy. Bul bastama óńіrdegі ózektі áleýmettіk másele — ortalyqtandyrylǵan sýmen jabdyqtaý máselesіn sheshýge múmkіndіk beredі.
- Bas prokýratýra zańsyz jolmen alynǵan aktıvterdі memleketke qaıtarý jáne olardy qoǵam ıgіlіgі úshіn tıіmdі paıdalaný іsіne júıelі túrde den qoıyp otyr. Qaıtarylǵan qarajat áleýmettіk ınfraqurylymdy, densaýlyq saqtaý men bіlіm berý salalaryn damytýǵa, azamattardyń ómіr súrý jaǵdaılaryn jaqsartýǵa baǵyttalady, - dep jazdy baqylaýshy organnan.
Vedomstvo aldaǵy ýaqytta da halyq múddesіn kózdeıtіn bastamalardy jalǵastyra beretіnіn jáne bul jumystar memlekettіk ınstıtýttarǵa degen senіmdі nyǵaıtýǵa yqpal etetіnіn atap óttі.