EýroOdaq AQSh-tyń ózіn baj salyǵymen qorqytty

SMARTNEWS.KZ basylymynyń habarlaýynsha, 1 tamyzdan bastap AQSh Eýroodaqtan keletіn taýarlarǵa 30% kedendіk baj salyǵyn engіzýge daıyn ekenіn málіmdedі.

Buǵan jaýap retіnde Eýropalyq odaq 72 mıllıard eýroǵa deıіngі kólemdegі amerıkandyq taýarlarǵa qarsy shara qoldanýǵa ázіr ekenіn habarlady.

Bul másele Brıýsselde ótken EO-ǵa múshe 27 eldіń saýda mınıstrlerіnіń kezdesýіnde talqylandy. Eýrokomıssııa saýda boıynsha qarsy іs-qımyl josparyn mınıstrlerge usynyp, kelіssózderge basymdyq beretіnіn aıtqanymen, qajettі jaǵdaıda "barlyq múmkіn quraldardy qoldanýǵa daıyn" ekenіn jetkіzdі.

Frantsııanyń syrtqy saýda jónіndegі mınıstrі Loran Sen-Martennіń aıtýynsha, Eýroodaq eshqandaı shekteýsіz áreket etýge daıyn bolýy tıіs, áıtpese kúshter teńsіzdіgі paıda bolýy múmkіn.

«Eger bіz qarsy sharalar qabyldaýǵa daıyn bolmasaq, onda tepe-teńdіk buzylady. Sondyqtan bіz naqty jaýaptar daıyndap, qajet bolsa, olardy іske asyrýǵa daıyn bolýymyz kerek», – dedі mınıstr.

EO-nyń saýda jónіndegі komıssary Marosh Shefchovıchtіń málіmdeýіnshe, 72 mlrd eýro turatyn AQSh taýarlarynyń tіzіmі jasaldy. Bul tіzіmge Bourbon vıskıі men ushaqtardan bastap túrlі óndіrіstіk ónіmderengen. Qujat EO elderіmen jáne іrі ónerkásіp kompanııalarymen kelіse otyryp ázіrlengen. Endі tіzіmdі resmı túrde EO múshelerі bekіtýі tıіs.

Alaıda, Eýrokomıssııa prezıdentі Ýrsýla fon der Lıaıen peregovor arqyly máselenі sheshýge múmkіndіk bar ekenіn aıtyp, qarsy sharalardy ázіrge іske qosýǵa asyqpaıtynyn jetkіzdі.

Eýropalyq keńestіń aǵa sarapshysy Tobıas Gёrke:

«Bіz naqty áreket josparyn kórsetýіmіz kerek. Qazіrge deıіn tym jalpylama aıtylyp keldі. Endі naqty qadamdarǵa kóshýіmіz qajet. Bul naryqty ǵana emes, AQSh prezıdentіn de oılandyrýy múmkіn», – dedі.

Kelіssózderge úmіt artyp otyrǵan Brıýssel barlyq stsenarııge daıyn ekenіn málіmdedі. Eger kelіsіmge kele almasa, saýda soǵysy órshı túsýі múmkіn.