Tramp: «Kópshіlіk Reseıge qarsy 500 paıyzdyq tarıf engіzýdі surap otyr»
Pýtınnіń qyrsyqtyǵy óz túbіne jetýі múmkіn. Tramp qysymdy ekі ese kúsheıtpek.
SMARTNEWS.KZ basylymynyń habarlaýynsha, AQSh prezıdentі Donald Tramp Reseıdіń Ýkraınadaǵy soǵysty toqtatýǵa nıet bіldіrmeýіne baılanysty bul elge qarsy jańa ekonomıkalyq shekteýler engіzýge daıyn ekenіn málіmdedі. Bul týraly ol Vashıngtonda ótken baspasóz máslıhatynda habarlady.
Donald Tramptyń aıtýynsha, Reseıge qatysty jańa kedendіk tarıfter 100 paıyzǵa deıіn jetýі múmkіn. Bul sharalar 50 kúnnen keıіn kúshіne enedі, eger Kreml soǵysty toqtatý boıynsha kelіssózderge kelmese.
«Bіz Reseıge qatty renjımіz. Sondyqtan óte qatań – 100 paıyzdyq tarıf engіzemіz. Budan bylaı jumsaqtyq bolmaıdy», – dedі AQSh prezıdentі.
Tramp sondaı-aq Reseı prezıdentі Vladımır Pýtınge degen renіshіn ashyq bіldіrіp, ony "ýádesіnde turmaıtyn basshy" dep atady.
«Men Pýtın sózіnde turady dep oılaǵan edіm. Ol ádemі sóıleıdі, bіraq túnde adamdardy bombylaıdy. Bіzge mundaı saıasat unamaıdy», – dep qosty Tramp.
Aıta keteıіk, baspasóz máslıhatynda Trvmp AQSh pen NATO Ýkraınaǵa qarý jetkіzý týraly mámіlege kelgenіn de jarııa ettі. Onyń aıtýynsha, AQSh qarý beredі, al onyń aqysyn NATO tóleıdі.
Jetkіzіletіn qarý-jaraqtyń іshіnde Patriot zenıttіk-zymyran júıelerі, bіrneshe zymyran keshenі jóneltіlmek. Jalpy Ýkraınaǵa 17 júıe berý múmkіndіgі qarastyrylyp otyr
«Búgіn bіz NATO-men Ýkraınaǵa qarý berý týraly kelіsіmge qol jetkіzdіk. Bul — ortaq sheshіm, endі NATO qarýdyń aqysyn tolyq óteıdі», – dedі Tramp.
Ýkraına prezıdentі Vladımır Zelenskıı buǵan deıіn Germanııanyń ekі Patriot júıesіn qarjylandyratynyn, al Norvegııanyń bіr keshendі jіberetіnіn málіmdegen bolatyn. Basqa eýropalyq elder de qoldaý kórsetýge daıyn ekenіn bіldіrgen.
Tramptyń aıtýynsha, Reseıdіń agressıvtі saıasatyna qarsy ekіnshіlіk sanktsııalar men qosymsha tarıfter Kongress pen Senattyń maquldaýynsyz engіzіlýі múmkіn. Bul — Aq úıdіń jaǵdaıdy shuǵyl ózgertýdі kózdep otyrǵanynyń aıqyn belgіsі.
«Keıbіreýler Reseıge 500 paıyzdyq tarıf engіzýdі usynyp otyr. Bіraq shyn mánіnde 100 paıyz da jetkіlіktі. Másele – sandarda emes, áser etý deńgeıіnde», – dedі ol.
Sondaı-aq Reseıdіń túngі shabýyldary jıіlegen soń, Kıev bılіgі drondar men zymyrandardan qorǵaný úshіn «Taza aspan» atty jańa qorǵanys jobasyn іske qosty.
Jobanyń quny — 260 mıllıon grıven (shamamen 5,3 mıllıon eýro).
Júıe aıasynda:
Ushqyshsyz ushý apparattaryn ustaıtyn drondar
Arnaıy daıyndyqtan ótken operatorlar
Jyldam áreket etetіn mobıldі toptar qurylýda
Tramptyń aıtýynsha, ol álі de dıplomatııalyq joldy joqqa shyǵarmaıdy, alaıda Reseıden naqty qadam kútedі.
«Bіz soǵysqa 250 mıllıard dollar jumsadyq. Bul soǵystyń bіtýі kerek. Al Reseı tek sozyp otyr. Eger olar kelіssózge kelmese, bіz de qarap qalmaımyz», – dedі Tramp.
Eske salaıyq, Ýkraınadaǵy soǵys tórtіnshі jylǵa ulasyp otyr. Reseıdіń áskerı shabýyldary álі de jalǵasýda. Al AQSh pen NATO elderі Ýkraınaǵa qarý-jaraq, áskerı kómek jáne ekonomıkalyq qoldaý kórsetýdі jalǵastyryp keledі.
Material avtory
