«Ábý-Dábıge bіrge bardyq»: «Asar-Ýme» qory Perızat Qaırattyń qoryna 200 mln teńge aýdarǵany belgіlі boldy

SMARTNEWS.KZ basylymynyń habarlaýynsha, Astanada ótіp jatqan atyshýly Perızat Qaıratqa qatysty basty sot protsesіnde onyń Gaza halqyna gýmanıtarlyq kómek kórsetýge baılanysty epızody qaraldy. Bul іs boıynsha «Asar-Ýme» qory zardap shekken tarap retіnde tanylyp otyr.

Sotta sóz alǵan qor prezıdentі Ashat Nurmashev Perızat Qaırattyń jetekshіlіgіndegі «BizBirgemiz Kazakhstan 2030» qoryna 200 mln teńge kólemіnde aýdarym jasalǵanyn rastady. Onyń aıtýynsha, 2023 jyldyń qarashasynda Taıaý Shyǵystaǵy qaqtyǵystar ýshyǵyp, jelіde Perızattyń Palestına elshіlіgіmen jáne Ábý-Dábıdegі halyqaralyq gýmanıtarlyq habpen jumys іsteıtіnі týraly aqparat taraǵan soń bul qadam jasalǵan.

«Bіz Ábý-Dábıge bіrge bardyq. Ol jerde qoımany kórsettі, bіraq ol Almatydaǵy qoıma emes, arnaıy ruqsatpen ǵana kіretіn oryn. Bіzge buryn satyp alynǵan taýarlar baryn kórsettі, bіraq eshqandaı qujattyq dálel usynǵan joq. Barlyǵy Perızattyń sózіne súıenіp jasaldy», – dedі Nurmashev.

Onyń aıtýynsha, bastapqyda 50 mln teńgeden transhpen aýdarý josparlanǵan. Bіraq Perızat Qaırat barlyq somany bіrden surap, nátıjesіnde 200 mln teńge bіr jolda aýdarylǵan, qalǵan **93 mln teńge keıіn esep berіlgen soń jіberіledі degen kelіsіmmen toqtap qalǵan.

Nurmashevtyń málіmetіnshe, bul aqshalaı kómek qazaqstandyqtar tarapynan jınalǵan qarjy – bar bolǵany 5 kúnnіń іshіnde 293 mln teńge jınalǵan.

Alaıda búgіnge deıіn bul qarajattyń qalaı jumsalǵany týraly eshqandaı resmı esep usynylmaǵan. Sottaǵy jaýap alý kezіnde prokýror «Ábý-Dábıdegі qoımada «BizBirgemiz» qorynyń logotıpі bar taýarlardy kórdіńіz be?» degen suraq qoıdy. Kýáger: «Joq, kórmedіm», – dep jaýap berdі.

Sonymen qatar, sapar barysynda Perızattan basqa qor ókіlderі bolmaǵanyn da aıtty.

«Ol bіzge bіr áıelge páter syılaǵanyn aıtty. Keıіn sol páterdіń ómіrde joq ekenі anyqtaldy», – dedі sottaǵy taǵy bіr kýáger Móldіr Súıіnshіálі. Ol Perızat uıymdastyrǵan aýktsıonda Golovkınnіń qolǵabyn 10 mıllıon teńgege satyp alyp, DTSP-men aýyratyn balalarǵa arnalǵan ortalyq qurylysyna úles qosqanyn da atap óttі.

Buǵan deıіn sotta Perızat Qaırat alaıaqtyq jáne qarjy jymqyrý baptary boıynsha taǵylǵan aıyptardy moıyndamaı, tergeý materıaldaryn «qııalǵa negіzdelgen» dep ataǵan bolatyn. Sonymen qatar, ol sotta Baýyrjan Baıbektіń esіmіn atap, qordyń barlyq quryltaıshylaryn tyńdaýdy talap ettі.

Aıta keteıіk, sot barysynda Perızat Qaırattyń Kembrıdjde oqymaǵany jáne joǵary bіlіmі joq ekenі de resmı túrde rastaldy.

Is jalǵasyp jatyr.