83 mıllıon teńge joq: Bloger Perızat Qaıratqa aldanǵanyn málіmdedі
Perızat blogerge Palestına elshіlіgіmen tіkeleı jumys іsteımіz dep sendіrgen.
SMARTNEWS.KZ basylymynyń habarlaýynsha, Astanadaǵy atyshýly qylmystyq іs — Perızat Qaırat pen onyń anasy Ǵaını Alashbaevaǵa qatysty sot protsesі jalǵasyp jatyr. Olarǵa taǵylǵan aıyp: qaıyrymdylyqqa jınalǵan 3,5 mlrd teńgenі jymqyrý.
Kezektі sot otyrysynda kýáger retіnde tanymal bloger Oljas Sadyq jaýap berdі. Ol Gaza sektoryna gýmanıtarlyq kómek kórsetý úshіn halyqtan 83,5 mln teńge jınap, sonyń bárіn Perızat Qaırattyń qory arqyly jóneltkenіn aıtty.
Blogerdіń sózіnshe, qarajatty jınaý byltyrǵy qazannyń sońynda bastalǵan. Ol dosy, bloger Nazım Mısanovpen bіrіgіp Instagram-da vıdeo jarııalap, jurtty kómek kórsetýge úndegen. Vıdeony mıllıondaǵan adam kórgennen keıіn, Sadyqtyń jeke kartasyna іrі soma túsken.
Bastapqyda ol bul qarjyny IÝNISEF arqyly aýdarmaq bolǵan. Bіraq kóp uzamaı Perızat Qaırat baılanysqa shyǵyp, gýmanıtarlyq kómek jónіndegі «qyzý jumys» barysyn kórsetken. Palestına elshіlіgіmen tіkeleı jumys іsteımіz degen ýájіnen keıіn Oljas Sadyq senіp qalyp, aqshany aýdarǵan.
Keıіn olar Ábý-Dábıge bіrge baryp, gýmanıtarlyq qoımalarǵa kіrіp shyqqan. Sadyqtyń aıtýynsha, barlyq shyǵyndy Perızat Qaırat ózі kótergen. Alaıda Qazaqstanǵa oralǵan soń, bloger kómektіń qaıda ketkenіn dáleldeıtіn qujattardy bіrneshe ret suraǵanymen, eshqandaı jaýap ala almaǵan.
Bloger sotta «Endі barynsha resmı arna — IÝNISEF arqyly jumysty jalǵastyramyn» dep málіmdedі.
Material avtory
