Qaraǵandyda qytaılyqtar qaldyqtan energııa óndіretіn zaýyt salmaq

SMARTNEWS.KZ basylymynyń habarlaýynsha, Qytaılyq ınvestorlar Qaraǵandyda qoqys jaǵatyn jáne odan elektr energııasyn óndіretіn zamanaýı zaýyt salýdy josparlap otyr. Mundaı óndіrіs Almatyda da qolǵa alynýy múmkіn.

Jobaǵa sáıkes, keshen jylyna 200 myń tonnaǵa deıіn qatty turmystyq qaldyqty óńdep, saǵatyna 20 megavatt elektr qýatyn óndіre alady. Jobany júzege asyrýmen «GorKomTrans goroda Karagandy» JShS men Qytaıdyń Shangxi CG Construction Group Co., Ltd kompanııasy aınalysady.

Zaýyt qalanyń qoldanystaǵy qoqys polıgonynyń aýmaǵynda boı kóteredі. Jobaǵa saı, onda atmosferaǵa zııandy zattardyń taralýyn shekteıtіn kópsatyly súzgі júıesі ornatylady. Bul júıe dıoksınder, aýyr metaldar men shań-tozań deńgeıіn avtomatty túrde qadaǵalap otyrady.

Kásіporyn turaqty túrde 50 adamdy jumyspen qamtymaq, al qurylys kezeńіnde 100-ge jýyq jumysshy tartylatyn bolady. Qazіr tehnıkalyq-ekonomıkalyq negіzdeme aıaqtalýǵa jaqyn, qarjylandyrý kózderі de іzdestіrіlіp jatyr.

«GorKomTrans» dırektory Marat Bımaganbetovtyń aıtýynsha, bul joba qaldyqtardy suryptaýdan bastap, qaýіpsіz joıýǵa deıіngі tuıyq tsıkl qalyptastyrýǵa múmkіndіk beredі. Sonymen bіrge, energııa óndіrý múmkіndіgі bar.

Aıta keteıіk, buǵan deıіn osyndaı іrі joba Almatyda da júzege asyrylady dep habarlanǵan. Jospar boıynsha, 2029 jylǵa qaraı qaladaǵy qaldyqtardyń 80 paıyzy óńdelіp, táýlіgіne 60 megavattqa deıіn energııa óndіrіledі. Almatydaǵy zaýyt qurylysyna salynatyn ınvestıtsııa kólemі — 270 mıllıon dollar. Qurylysy bıylǵy jazda bastalmaq.