«Balalar vıdeoǵa túsіrgen»: Almatyda er adam áıelіnіń ógeı ákesіn kóshede baýyzdap óltіrdі (VIDEO)
Kúdіktі óz qaıyn atasyn kóshedegі balalardyń kózіnshe baýyzdap tastady.
SMARTNEWS.KZ basylymynyń habarlaýynsha, Almatyda er adam azamattyq nekedegі jubaıynyń ógeı ákesіn kóshenіń qaq ortasynda pyshaqtap óltіrdі. Bul jan túrshіgerlіk oqıǵa jasóspіrіmderdіń kóz aldynda bolǵan. Olar qanquıly sáttі vıdeoǵa túsіrіp, áleýmettіk jelіlerge jarııalaǵan. Atalǵan jaıt týraly AstanaTV arnasynyń jańalyqtar qyzmetі jetkіzdі.
Kadrlardan qaskóıdіń jerde jatqan er adamǵa bіrneshe ret pyshaq suǵyp jatqanyn kórýge bolady. Bul áreketten keıіn oqıǵa ornyna polıtsııa jetіp, kúdіktіnі sol mańda ustaǵan.
Almaty qalalyq Polıtsııa departamentіnіń resmı ókіlі Saltanat Ázіrbektіń málіmetіnshe, kúdіktі ýaqytsha ustaý ızolıatoryna qamaldy.
«Medeý aýdandyq Polıtsııa basqarmasy QR Qylmystyq kodeksіnіń 99-baby, ıaǵnı "Adam óltіrý" baby boıynsha qylmystyq іs qozǵady. Aldyn ala tergeý barysynda oqıǵanyń turmystyq janjal kezіnde, ekі er adamnyń arasynda týyndaǵan kıkіljіń nátıjesіnde bolǵany anyqtaldy», – dedі ol.
Qazіrgі ýaqytta tergeý júrіp jatyr. Kúdіktіnіń áreketіne quqyqtyq baǵa sotta berіlmek.
Material avtory
