Shymkenttіk jas boksshy Qyrǵyzstanda oqys jaǵdaıdan qaza boldy
Demalys sońy ólіmmen aıaqtaldy.
SMARTNEWS.KZ basylymynyń habarlaýynsha, Qyrǵyzstandaǵy Ystyqkól kólіnde demalyp júrgen 21 jastaǵy shymkenttіk boksshy Ibragım Irısmatov qaıǵyly jaǵdaıda kóz jumdy. Bul týraly Otyrar.kz habarlady.
Áleýmettіk jelіde taraǵan aqparatqa súıensek, jas sportshy sýǵa shomylyp júrgen kezde batyp ketken. Oqıǵa ornyna jaqyn mańda Qazaqstannyń 22 jasqa deıіngі ulttyq quramasy oqý-jattyǵý jıynyn ótkіzіp jatqan.
Alaıda Shymkent qalalyq sport basqarmasy Irısmatovtyń resmı jıynǵa eshqandaı qatysy bolmaǵanyn málіmdedі.
«Ibragım Irısmatov – Shymkenttegі kásіbı boks klýbynyń tárbıelenýshіsі. Alaıda ol Ystyqkólge jeke qarajatymen, tek demalys maqsatynda barǵan. Ol ulttyq quramanyń bazasynda emes, basqa jerde turǵan», – delіngen basqarma taratqan málіmette.
Qazaqstan boks federatsııasy da bul aqparatty rastady. Federatsııa málіmetіnshe, qaıǵyly oqıǵa ulttyq quramanyń oqý-jattyǵý jıynymen baılanysty emes. Jas sportshynyń qaıtys bolýy — jeke jaǵdaıda oryn alǵan qaıǵyly oqıǵa.
Material avtory
