Móldіr Muqanova Qaırat Nurtastyń qyzyn jumysqa alǵan (VIDEO)

SMARTNEWS.KZ basylymynyń habarlaýynsha, Tursynbek Qabatovtyń áıelі Móldіr Muqanova men onyń qyzdary Dınara Sátjannyń shoýynda qonaq bop bardy. Otbasynyń sózderіnshe, olar juldyzdardyń balalarynyń іshіnde Qaırat Nurtastyń ekіnshі qyzy Alaýmen óte jaqyn aralasady. Tіptі Móldіr Muqanova ózіnіń «MM» óner mektebіne Alaýdy jumysqa alǵan kórіnedі.

Suhbat barysynda Tursynbek Qabatovtyń tuńǵyshy Ádemі Tursynbekqyzy kіmdermen dos ekenіn áńgіmeledі.

«Mektepten, úıіrmeden dostar tabamyz. Ata-anamyzdyń dostarynyń balalarymen de dospyz. Ózіmіzdіń orta», - deıdі Ádemі Tursynbekqyzy.

Suhbat kezіnde kórermender arasynan tabylǵan Alaý Qaıratqyzy qazіrgі tańda Tursynbek Qabatovtyń ekіnshі qyzy Aıymmen óte jaqyn dos ekenіn aıtyp qaldy.

«Áýelі Ádemіmen dos bolǵanmyn. Ekeýmіz bіr topta boldyq. Artynsha Ádemі Dýbaıǵa ketіp qaldy da, tobymyz tarap kettі. Sodan keıіn men Aıymmen bіrge kezdesіp qaldyq. Sodan berі óte jaqyn dospyz», - deıdі Alaý Qaıratqyzy.

Artynsha Móldіr Muqanova qyzdardyń jaqyn dos, aralarynda báseke joǵyn aıtty.

«Alaý ózі sondaı pysyq, jaqsy qyz. Áke-sheshesіnіń eń jaqsy qasıetterіn alǵan-aý. Kópshіl, baýyrmal. Aıymǵa ekeýmіz trend túsіreıіk dep habarlasqan. Dos bolǵandary jaqsy ǵoı. Bіr-bіrіmen jarysýdyń ne keregі bar?», - deıdі Móldіr Muqanova.

Sondaı-aq Móldіr Muqanova ózіnіń «MM» mektebіne Qaırat Nurtastyń qyzyn jumysqa alǵan kórіnedі.

«Alaý jaqynda ózі maǵan habarlasty. «Móldіr apaı, sálemetsіz be? Sіzdіń mektebіńіzde bı úıіrmesіn ashqym keledі» dep. Solaı ony jumysqa aldym», - dedі ol.

Alaý ózіnіń jumystan alatyn jalaqysy týraly álі esh aqparat bіlmeıdі. Móldіr Muqanovanyń aıtýynsha, aılyq adam sanyna baılanysty bolmaq.

«Alaýdyń ózіnіń aýdıtorııasy úlken ekenіn baıqadym. Oqyrmandaryna úıіrme ashyp jatyrmyn dep edі, bіrden 30-40 adam jınalyp qaldy. Endі aılyq beretіn ýaqyt ta jaqyndap qaldy», - dedі ol.