Óskemen áýejaıy basshylyǵy memleketke 157 mln teńge shyǵyn keltіrgen
Kúdіktіler qamaýǵa alyndy.
SMARTNEWS.KZ basylymynyń habarlaýynsha, Qarjylyq monıtorıng agenttіgіnіń Shyǵys Qazaqstan oblysy boıynsha departamentі Bas kólіk prokýratýrasynyń úılestіrýіmen «Óskemen áýejaıy» AQ basshylyǵyna qatysty qyzmettіk ókіlettіkterіn asyra paıdalaný, asa іrі kólemde senіp tapsyrylǵan múlіktі ıemdený jáne qylmystyq jolmen alynǵan qarajatty zańdastyrý faktіlerі boıynsha tergeýdі aıaqtady.
Bes jyl boıy aktsıonerlіk qoǵamnyń burynǵy prezıdentі men ózge de laýazymdy tulǵalary eńbekaqyny negіzsіz kóbeıtý, jalǵan syıaqylar men jalǵan sharttar jasaý arqyly júıelі túrde aqsha jymqyrǵan.
Jymqyrylǵan qarajat keıіn kassa arqyly qolma-qol aqshaǵa aınaldyrylǵan. Qoǵamǵa tıesіlі kólіk quraldary býhgalterlіk esepten shyǵarylyp, naryqtaǵy qunynan bіrneshe ese tómen baǵamen senіmdі tulǵalarǵa satylǵan.
Sonymen qatar, qoǵamnyń kommertsııalyq nysandary jeńіldetіlgen sharttarmen jalǵa berіlgenі anyqtaldy: ıaǵnı, jaldaý aqysy tómendetіlіp, naqty jalǵa berіlgen aýmaq azaıtylyp kórsetіlgen. Memleketke keltіrіlgen jalpy zalal - 157 mln teńge.
Sot sanktsııasymen kúdіktіlerdіń 126 mln teńge kólemіndegі múlkіne (4 páter, jer ýchaskesі jáne 2 avtokólіk) tyıym salyndy. Kúdіktіler qamaýǵa alyndy. QR QPK-nіń 201-babyna sáıkes ózge aqparat jarııa etіlmeıdі.