Perızat Qaırat іsі: taǵy bіr qurylys kompanııasy qorǵa 200 mln teńge aýdarǵan
Elordada Biz birgemiz qorynyń jetekshіsі bolǵan Perızat Qaırat pen onyń anasyna qatysty sot otyrysy úshіnshі kúnge jalǵasty.
SMARTNEWS.KZ basylymynyń habarlaýynsha, búgіngі sot otyrysy kýágerlerden jaýap alýdan bastaldy.
Sotta «Stroıkonstrýktsııa» AQ-nyń ókіlі, zańger Galına Isaeva jaýap berdі. Onyń aıtýynsha, kompanııa 2024 jylǵy sý tasqyny kezіnde Perızat Qaırattyń qoryna 200 mıllıon teńge aýdarǵan.
Kýágerdіń málіmdeýіnshe, qurylys kompanııasy Biz birgemiz qorymen baılanysqa shyqqan. Sondaı-aq kompanııa basshylyǵy qaıyrymdylyq uıymy týraly áleýmettіk jelіlerdegі beınerolıkter men jarnama jáne ashyq aqparat kózderіnen bіlgen.
2024 jylǵy 2 mamyrda sý tasqynynan zardap shekken jandarǵa kómek kórsetý týraly sheshіm qabyldanǵan. Al 10 mamyrda kompanııa Perızat Qaırat qorynyń shotyna 200 mıllıon teńge aýdarǵan. Qordyń rekvızıtі jarnamadaǵy beınerolıkten alynǵan.
Odan bólek Galına Isaeva ınternetke ornalastyrylǵan materıaldar kompanııa basshylyǵynyń sheshіmіne áser etkenіn aıtty.
— Nelіkten men jarnamany basshyma apardym? Onda Perızat Qaırattyń «nesıenі toqtatyńdar» degen sııaqty ótіnіshі bolǵan. Bul bіzge áser qaldyrdy. Sebebі, adamdar rasymen qıyn jaǵdaıda edі, — dedі ol sotta.
Onyń aıtýynsha, qorǵa іrі kompanııalar men bankterdіń qomaqty qarjy aýdarýy atalǵan uıymǵa degen senіmdі arttyrǵan.