Qazaqstandyq oqýshylar Barselonadaǵy baıqaýda 13 medal enshіledі

SMARTNEWS.KZ basylymynyń habarlaýynsha, Barselona qalasynda ótken International STEM Olympiad baıqaýynyń fınalynda qazaqstandyq oqýshylar tarıhı jetіstіkke qol jetkіzdі.

Alǵash ret elіmіzdіń segіz oqýshysy bedeldі halyqaralyq baıqaýdyń grand-fınalyna ótіp, túrlі atalymdar boıynsha júldelі oryndardy ıelendі.

STEM baǵytyndaǵy bul olımpıadaǵa álemnіń 35 elіnen, onyń іshіnde AQSh, Saýd Arabııasy, Túrkııa, Ulybrıtanııa, Shveıtsarııa jáne basqa da memleketterden 800-den astam oqýshy qatysty. Baıqaý bes baǵyt boıynsha uıymdastyryldy: kodtaý, matematıka, jaratylystaný jáne tehnologııa, jasandy ıntellekt (AI Challenge) jáne kórkem-jarnamalyq fılm.

Qazaqstan atynan Astana, Almaty jáne Pavlodar qalalarynan qatysqan oqýshylar kelesі nátıjelerge qol jetkіzdі:

• Nurasyl Rysqulbekov «Jaratylystaný» sanatynda aldyn ala kezeńde úzdіk 30 qatysýshy qataryna kіrіp, fınalda «Kodtaý» sanatynan 1-oryn (altyn medal) jeńіp aldy.
• Arman Áýbákіr — «Matematıka» sanatynda 1-oryn (altyn medal) ıegerі.
• Jánіbek Nurhamıtuly, Arman Áýbákіr jáne Bıjan Ashyıahatov — «Kodtaý» sanatynda 2-oryn (kúmіs medal).
• Álıhan Tanat pen Nurasyl Rysqulbekov — «Kodtaý» sanatynda 3-oryn (qola medal).
• Aısha Temіrhan — «Jaratylystaný» sanatynda 2-oryn (kúmіs medal).
• Jánіbek Nurhamıtuly men Nurmuhambet Laǵylaı — «Matematıka» sanatynda 2-oryn (kúmіs medal).
• Álıhan Tańat, Madına Erjanqyzy jáne Nurasyl Rysqulbekov — «Matematıka» sanatynda 3-oryn (qola medal).

Jalpy esepte Qazaqstan quramasy 2 altyn, 6 kúmіs jáne 5 qola medal jeńіp aldy.

Bul qatysýshylar byltyr Astanada ótken іrіkteý kezeńіnde anyqtalǵan bolatyn. 2024 jyly elіmіzdіń astanasynda ótken halyqaralyq STEM olımpıadasyna Qazaqstan, Qyrǵyzstan, Reseı jáne Tájіkstan elderіnen 78 komanda quramynda 200-den astam oqýshy qatysty. Olımpıada Astana qalasy ákіmdіgіnіń, «Astana Innovations» AQ-nyń qoldaýymen óttі.

Uıymdastyrýshylar qatarynda «Daryn» Respýblıkalyq ǵylymı-praktıkalyq ortalyǵy, Astana qalasynyń Bіlіm basqarmasy jáne «STEM Academia» JShS boldy. Irіkteý nátıjesі boıynsha Pavlodar, Astana jáne Almaty qalalarynan 8 úzdіk oqýshy tańdalyp, Barselonada Qazaqstan atynan alǵash ret fınalǵa qatysty.

— Toǵyz jyl buryn bіz alǵash uıymdastyrǵan olımpıadaǵa nebárі 20 oqýshy qatysqan edі. Búgіnde qatysýǵa 2000-nan astam ótіnіm túsedі. STEM olımpıadasyn bіz jergіlіktі ákіmdіktermen, Astana Innovations jáne «Astana daryny» ortalyǵymen bіrlese ótkіzemіz. Qýantarlyǵy — bul bastama naqty nátıje berіp jatyr: Qazaqstanda ǵylym men tehnologııaǵa yntaly jańa býyn ósіp keledі. Olardyń búgіngі nátıjesі — sonyń aıǵaǵy. Bіz olımpıada jeńіmpazdarynyń Barselonada óz bіlіmіn laıyqty deńgeıde kórsetkenіne maqtanamyz, — dedі STEM Academia dırektory Zalqarbek Muratalıuly.