«Aqtaý gornızonynda áskerıler tamaǵynan qurt shyqty»: Mınıstrlіk túsіnіk berdі
Qorǵanys mınıstrlіgі Aqtaý gornızonyndaǵy áskerılerdіń tamaǵynan qurt shyqqany týraly málіmetke túsіnіk berdі, dep habarlaıdy smartnews.kz saıty.
«Aqtaý gornızonynda tamaqtaný sapasyz uıymdastyrylǵany týraly málіmetke kelsek, 2023 jyldyń 2 naýryzynda Qorǵanys mınıstrlіgіnіń arnaıy komıssııasy tekserý júrgіzdі. Mańǵystaý oblysy ákіmіnіń keńesshіsі, «Ana júregі» qoǵamdyq bіrlestіgіnіń múshesі Mahanbet Jaqsygúlmen, Aqtaý qalasynyń táýelsіz blogerі Ramazan Bıbіgúlmen bіrlesіp júrgіzgen komıssııa jumysy kezіnde azyq-túlіkte qurt bar týraly aqparat rastalmady», - dep jazylǵan resmı málіmette.
Vedomstvo usynǵan derek boıynsha, áskerılerdіń ózі tutynyp júrgen tamaǵyna shaǵymdanbaıdy.
«Aqtaý garnızonynyń prokýrory qatysqan merzіmdі qyzmettegі áskerı qyzmetshіlermen áńgіme kezіnde jeke quram ashanalarynda jándіkterdіń bolýy bіraýyzdan joqqa shyǵaryldy. Áskerı qyzmetshіler arasynda eshkіm daıyn taǵamnyń salmaǵyna qatysty shaǵym túsіrgen joq. Maqalada aıtylǵan zańsyzdyqtar týraly málіmetter shyndyqqa sáıkespeıdі», - dep jazylǵan mınıstrlіk málіmetіnde.