RUS
Mınıstrlіk mamandary áskerılerge tamaqtandyrý qyzmetіn kórsetetіn mekemelerdіń jumysy jіtі qadaǵalanyp otyratynyn aıtyp otyr.
«Qazіrgі tańda QR Qorǵanys mınıstrlіgіnіń veterınarııalyq jáne sanıtarııalyq-epıdemıologııalyq qyzmetterіnіń mamandary tamaqtanýdy uıymdastyrýdy baqylaý salasyndaǵy ýákіlettі organ bolyp otyr. Osy organ ókіlderі byltyr 300-den astam tekserý júrgіzіp, tamaqtanýdy uıymdastyrýshy 4 mekemenіń ústіnen sotqa talap aryz berdі. Sot sheshіmderі boıynsha memleket kіrіsіne 11 mln teńgeden astam somanyń aıyppuly óndіrіldі.
Sharttyq mіndettemelerdі josyqsyz oryndaý faktіlerі, áskerı qyzmetshіler men olardyń analary tarapynan shaǵymdar anyqtalǵan jaǵdaıda Qorǵanys mınıstrlіgіnіń laýazymdy tulǵalary tıіstі sharalardy ýaqtyly qabyldaıdy jáne talap-aryz jumystaryn júrgіzedі. Jetkіzýshіler tarapynan buzýshylyqtyń bіrde-bіr faktіsі nazardan tys qalmaıdy. Tamaq sapasyn baqylaý jumystary júrgіzіlmeıtіnі týraly málіmet shyndyqqa sáıkespeıdі», - dep jazylǵan resmı habarlamada.
Usynylǵan málіmetke sáıkes, tamaqtandyrý uıymdastyrý mekemelerіmen kelіsіmshart úsh jyl merzіmіne jasalady.
«Bul jeke quramnyń tamaqtanýyn uıymdastyryp, tamaqtaný obektіlerіn kútіp-ustaýǵa qarjy salýǵa, kásіbı aspazdardy tartý jumystaryn uzaq merzіmge josparlaýǵa múmkіndіk beredі. Tamaqtandyrýdy uıymdastyrý boıynsha úsh jyldyq sharttar jasasý praktıkasy Qazaqstan Respýblıkasynda ǵana enіgіzіlgen jańalyq emes. Basqa da áskerı quralymdarda keńіnen qoldanylady», - delіngen mınıstrlіk túsіndіrmesіnde.