"Jeke brendіne jumsady": blogerdіń Úkіmetten 48 mıllıon teńgege sýbsıdııa alyp, ózіn jarnamalaǵany ras pa?
Onyń 5 mıllıonnan astam oqyrmany bar.
SMARTNEWS.KZ basylymynyń habarlaýynsha, bloger NNN Nurdáýlet Bektursyn 8 jyl buryn Úkіmetten mal bordaqylaýǵa 48 mıllıon teńge kólemіnde sýbsıdııa alǵan.
Aikyn.kz saıtynyń málіmetіnshe, ázіrge resmı tergeý ne tekserіs júrgіzіlіp jatqany jónіnde de habar joq. Bul málіmettі jýrnalıst Gúlmıra Abyqaı Facebook paraqshasynda jazdy.
Onyń aıtýynsha, Instagram jelіsіnde 5 mıllıonnan astam oqyrmany bar tanymal bloger NNN Nurdáýlet Bektursyn 8 jyl buryn Úkіmetten mal bordaqylaýǵa 48 mıllıon teńge kólemіnde sýbsıdııa alǵan. Alaıda ýaqyt óte kele bul qarajattyń qalaı jumsalǵany belgіsіz kúıіnde qalyp otyr.
Jergіlіktі jurttyń sózіne sensek, sol qarjy mal sharýashylyǵyna emes, blogerdіń ózіn tanymal etýge, ıaǵnı jeke brendіne jumsalǵan bolýy múmkіn.
"Aqsha da joq, mal da joq. Bul qarjyny mal bordaqylaýǵa emes, ózіn jarnamalaýǵa jumsady", – deıdі kentaýlyq jerlesterі.