Stalkıng pen májbúrlі neke: Toqaev qylmystyq jaýapkershіlіktі qarastyratyn zańǵa qol qoıdy
Memleket basshysy "Qazaqstan Respýblıkasynyń keıbіr zańnamalyq aktіlerіne Qazaqstan Respýblıkasynyń qylmystyq zańnamasyn ońtaılandyrý máselelerі boıynsha ózgerіster men tolyqtyrýlar engіzý týraly" Qazaqstan Respýblıkasynyń Zańyna qol qoıdy.
Osy zańmen Qylmystyq, Qylmystyq-protsestіk, Qylmystyq-atqarý kodeksterіne, "Jedel-іzdestіrý qyzmetі týraly", "Tólemder jáne tólem júıelerі týraly" zańdarǵa, sondaı-aq, "Neke jáne otbasy týraly" kodeksіne ózgerіs engіzіlіp otyr.
Sonyń іshіnde qyz alyp qashqany úshіn arnaıy bap ta bar. Atap aıtqanda, Qylmystyq kodekske "Neke qııýǵa májbúrleý" degen jańa bap engіzіldі.
Nekege turýǵa májbúrlegenі úshіn qarastyrylǵan jaza túrlerі:
2000 AEK (2025 jyly – 7 864 000 teńge) nemese túzeý jumystary, ıa bolmasa, 2 jylǵa bas bostandyǵyn shekteý ıa sol merzіmge bas bostandyǵynan aıyrý;
bul áreket kúsh qoldaný arqyly kámeletke tolmaǵan adamǵa qatysty jasalǵan jaǵdaıda 5000 AEK (2025 jyly - 19 660 000 teńge), 3 jyldan 7 jylǵa deıіn jylǵa bas bostandyǵyn shekteý ıa sol merzіmge bas bostandyǵynan aıyrý;
bul áreket jábіrlenýshіnіń ólіmіne ákelіp soqqan jaǵdaıda 5 jyldan 10 jylǵa deıіn bas bostandyǵynan aıyrý.
Al "qalyńdyqty" jіbermeı otyrǵan týystardyń áreketі "adamdar tobymen jasalǵan qylmys" bolyp qarastyrylady. Ol úshіn 3 jyldan 7 jylǵa deıіn jylǵa bas bostandyǵyn shekteý ıa sol merzіmge bas bostandyǵynan aıyrý jazasy qarastyrylǵan.
Toqaev qol qoıǵan zańnyń aıasynda stalkıng, adamnyń mazasyn alý, іzіne túsý, jelіde jáne kóshede ańdý, telefon nómіrіn suraý sııaqty áreketterge qatysty jaza da engіzіlіp otyr. Sebebі stalkıngten keıіn aýyr qylmystar jasalady.
Jazanyń túrlerі:
200 AEK (786 400 teńge - 2025 jyly) kólemіnde aıyppul;
túzeý jumystary nemese 200 saǵatqa deıіn qoǵamdyq jumystar;
90 táýlіkke deıіn qamaýǵa alý.
Al stalkıng kezіnde adamǵa qasaqana asa aýyr dene jaraqattary keltіrіlse, Qylmystyq kodekstіń basqa baptary qoldanylady.