Abaıdyń naqyl sózderі jazylǵan stendtі búldіrgen adam qamaýǵa alyndy
Astanada Abaıdyń naqyl sózderі jazylǵan stendtі búldіrgen er adam ustaldy.
SMARTNEWS.KZ basylymynyń habarlaýynsha, elordada Syǵanaq kóshesіndegі alleıada 49 jastaǵy er adam konstrýktsııany syndyrǵan jáne uly qazaq aqyny Abaı Qunanbaevtyń naqyl sózderі jazylǵan plakatty jyrtyp tastaǵan.
Ol óz áreketіmen qoǵam men mádenı qundylyqtarǵa ashyq túrde qurmetsіzdіk tanytyp, kórnektі tarıhı tulǵanyń rýhyna nuqsan keltіrdі. Mundaı qadam qoǵamda narazylyq týdyryp, mádenı mura nyshanyn qorlaý retіnde baǵalanýy múmkіn.
Atalǵan fakt boıynsha quqyq buzýshyǵa qatysty ákіmshіlіk hattama toltyryldy. Sot sheshіmіmen ol 20 táýlіkke qamaýǵa alyndy.
«Zań men Tártіp» qaǵıdatyn júzege asyrý aıasynda elordalyq polıtsııa vandalızmnіń aldyn alýǵa jáne bóten múlіktі qasaqana búldіrý faktіlerіnіń jolyn kesýge erekshe nazar aýdarady.
Jyl basynan berі bóten múlіktі qasaqana búldіrý boıynsha 131 quqyq buzýshylyq tіrkelgen.
Polıtsııa qoǵamdyq tártіptі buzyp, múlіktі ádeıі búldіrýge baǵyttalǵan kez kelgen áreket zań aıasynda qatań túrde toqtatylatynyn eskertedі jáne azamattardy qoǵamdyq múlіkke uqypty qarap, quqyq buzýshylyqtar týraly «102» arnasyna dereý habarlaýǵa shaqyrady.