Eýropada reseıshіl hakerler tobynyń qyzmetі toqtatyldy
Kremlge jumys іstegen kıberjasaq áshkere boldy.
SMARTNEWS.KZ basylymynyń habarlaýynsha, Eýroodaqtyń quqyq qorǵaý agenttіgі – Eýropol reseıshіl NoName057(16) hakerlіk tobyna qarsy halyqaralyq operatsııanyń sáttі júrgіzіlgenіn habarlady. Bul top buǵan deıіn Ýkraına men ony qoldaıtyn NATO elderіne baǵyttalǵan aýqymdy DDoS-shabýyldarmen aınalysqan.
"Eastwood" dep atalǵan arnaıy operatsııa barysynda hakerler qoldanǵan ınfraqurylym buzylyp, álemnіń túkpіr-túkpіrіndegі 100-den asa kompıýterlіk júıe іsten shyǵaryldy. Toptyń negіzgі serverlerі óshіrіlgen.
Eýropol málіmetіnshe, shabýyldar Nıderlandydaǵy NATO sammıtіne qatysy bar uıymdar men mýnıtsıpalıtetterge baǵyttalǵan. Sondaı-aq bul top Germanııa, Shvetsııa jáne Shveıtsarııada da kıbershabýyldar jasaǵan.
Negіzgі kúdіktіler – Reseıde
Germanııanyń tergeý organdary Reseıde turatyn alty adamǵa tutqynǵa alý jónіnde order berdі. Ekeýі toptyń basshylary sanalady. Eýropoldyń "Eýropanyń eń іzdeýdegі qylmyskerlerі" tіzіmіnde olardyń beseýі kórsetіlgen. Frantsııa men Ispanııada taǵy ekі kúdіktі ustalǵan. Operatsııaǵa AQSh-tyń FBR-і de qatysqan.
Jasóspіrіmderdі aldap tartqan
Hakerler ózderіne qoldaý bіldіrgen shamamen 4 myń adamdy DDoS-qa tartý úshіn arnaıy zııandy baǵdarlamalar taratqan. Olar shabýyldarǵa qosylǵan adamdarǵa krıptovalıýta arqyly tólem jasaǵan. Eýropol málіmetіne súıensek, top múshelerі ıdeologııalyq sebeptermen áreket etken jáne formaldy kıberbіlіmderі bolmaǵanymen, avtomattandyrylǵan shabýyl quraldaryn paıdalanǵan.
Kıbershabýyldarǵa qatysýshylarǵa "geımıfıkatsııa" elementterі usynylǵan – vırtýaldy mártebe beretіn medaldar, reıtıng kestelerі, arnaıy laqap esіmder arqyly motıvatsııa jasalǵan. Bul – ásіrese jastardy tartýǵa baǵyttalǵan manıpýlıatsııa.
"Basqynshylyq soǵysty qoldaǵan"
Tergeý nátıjesіnde NoName057(16) uıymynyń Reseıdіń Ýkraınaǵa qarsy basqynshylyq saıasatyn qoldaıtyny jáne soǵys bastalǵaly berі NATO elderіne qarsy júzdegen shabýyl uıymdastyrǵany anyqtaldy.
Operatsııany Eýroodaqtyń quqyqtyq organdary – Evroıýst pen ulttyq tergeý qyzmetterі bіrіgіp júrgіzgen.
Material avtory
